張名雅囝囝提早咗出世呀！
恭喜恭喜！娛樂圈又一喜事，現年29歲前港姐冠軍張名雅宣布順產生B，一索得男！
上年九月初張名雅同律師老公蔡錦豪（Joe）舉行婚禮，同年十一月喺微博度宣布有喜，預產期為四月尾，不過BB提早出世，張名雅表示醫生都擔心BB體重會比較輕：「醫生預估得5磅半左右，不過出世竟然差唔多有七磅。（順產辛唔辛苦？）陣痛嘅時候真係好痛好痛，嗰種痛係冇法形容，我佗B時都冇嘔過，估唔到生嘅時候會痛到嘔咗兩次。（係咪老公剪臍帶？）係呀！BB出世第一次喊，我同老公都忍唔住一齊喊，當時真係好感動。BB出世幾日就識得笑，可能之前我沖涼時同BB傾偈話叫佢乖啲要多啲笑有關，BB依家真係成日都笑好開心。」
張名雅表示BB中文名就未決定，已經改咗英文名叫做「Mario」，之前喺微博宣布懷孕時都係同老公着住「孖寶賽車」嘅衫，留言話：「Where's mario？I'm here，in mommy's tummy！」當時以為張名雅搞吓笑，睇嚟佢同老公都真係好鍾意「孖寶兄弟」。
來源 source: http://hk.on.cc
|
鍾意就快D Share啦！
|
|
|
