周秀娜話成日食食螺絲。
藝人周秀娜（Chrissie）於將軍澳電視城拍攝無綫新劇《宮心計2深宮計》。以古裝造型示人的Chrissie被問到有指她與劉心悠獲劇組優待一事，她作出否認，又指監製及導演均一視同仁：「我唔清楚，我情況比較特殊，我喺套劇後半段先出現，佢哋開工比我早。我尋日第一日開廠景，同馬浚偉、胡定欣同陳煒凌晨四點先收工。我工作咗19小時，好感恩仲有得瞓。我諗係要趕起廠景，唔關優待邊個，監製同導演都一視同仁。」Chrissie力撐心悠並無特權：「我同心悠第一日開外景就收黃昏六點，因為冇太陽要收工。我唔見佢有優待，佢拍到凌晨五點，朝早八點又出現喺化妝間，我聽到都呆咗。唔存在優待，睇戲份。」
成日食螺絲
Chrissie又透露之後拍攝期間有可能要請假拍電影：「留咗3至5月拍劇，當中有其他嘢之前接咗，有部戲要離港拍，同劇組講咗打定底。」問到Chrissie目前是否習慣拍劇？她笑言不時食螺絲：「唔算好習慣，要顧個頭、衫、對白。我成日要挺直個人，我唔慣行路，仲畀導演叫我講嘢要溫柔啲。我讀對白會食螺絲，講得唔正會似講四川話，講到變咗冇人聽過嘅字。」
來源 source: http://hk.on.cc
|
鍾意就快D Share啦！
|
|
|
