謝安琪今個月尾就生得
藝人張繼聰為無綫新劇《誇世代》開工，對於同劇的陳豪表示有意向他傳授操肌方法，阿聰就表示無任歡迎，更謂：「我隨時STAND BY，但如果太太生咗小朋友就唔得住，我連『走佬袋』都未執，月尾先生嘛！但個人嚟講就好期待BB出世。」
對於太太謝安琪的待產情況，阿聰以飛船形容太太的巨肚，他謂：「個肚真係好重，太太辛苦啲，依家係最後階段，所以話母親真係好偉大，依家每日收工我都歸家似箭，但劇組都好好，話有咩風吹草動我可以即閃。」不過即將要赴上海拍攝電影的他，預計於當地逗留一星期，未能陪本月13日生日的太太慶生：「好在收到風佢已經有朋友約，等我都冇咁內疚。」
談到迪士尼電影《美女與野獸》加入一段同性戀橋段，引來外國及本地不少家長投訴，阿聰對此謂：「我未睇套戲，但我唔反對同性戀，因為愛係無分界限，知道家長係會有唔同價值觀同睇法，但我就好大愛，我個仔都係細，所以都會同佢一齊睇部戲，從旁解釋佢知。」
來源 source: http://hk.on.cc
|
鍾意就快D Share啦！
|
|
|