趙哲妤去年聖誕前到馬來西亞工作期間，在當地突然早產誕下只有4磅多的女嬰Natalie，並於當地坐月及休養，闊別兩個半月後，現時BB已重約11磅，她才安心母女回港。
出生文件缺父名
Uny終於抱着女兒由馬來西亞首度返港，好友筱靖更專程飛往當地接母女二人回來，同行還有作曲人張佳添，但BB經手人完全冇影。Uny曾透露多年來只有一個男友，是做金融的生意人，十分低調，因此令她不敢多提這BB的經手人。一路表現瀟灑、完全不介意母兼父職的Uny，原來有苦自己知，據知她臨盆前一直未能與對方聯絡上，經手人恍如人間蒸發，對Uny與BB的事不聞不問，更別說是到馬來西亞探望母女，故Uny無奈之下，BB的出生文件上亦沒有填寫爸爸的名字。
昨午2時許，抱着囡囡的Uny流露一臉母愛出閘，身旁的筱靖則幫忙拿着BB衫及一些隨身用品。Uny接受東網訪問說：「我會同囡囡定居香港，趕住返嚟見婆婆。（BB第一次搭飛機有冇問題？）佢好乖，我準備晒奶同奶嘴，但佢全程瞓覺唔使用。」談及榮升人母的感受？她笑說：「依家佢就係我工作嘅原動力，不過我生B之前好努力工作，依家想留多啲時間陪囡囡成長。（BB見咗爸爸未？）我就係BB嘅爸爸同媽咪，身兼父職。」Uny明顯已收身成功，她謂因餵母乳，自然有S形身材，希望能餵母乳一年。問到囡囡的中文名及跟誰姓？她只說：「秘密。」
不排除再生
至於逗留在馬來西亞兩個多月的感受？Uny即眼泛淚光說：「我由一個朋友都冇，到依家有二十幾個朋友，月子中心啲人好好，頭先都係流住淚送我走，好感動！」Uny謂現在人生充滿愛，女兒就是她的生命，並笑說：「有時明明好飽都會食晒啲嘢，因為想身體強壯啲，將最好嘅畀囡囡。（想唔想搵個另一半照顧你哋？）依家唔諗呢啲，只要BB開心健康就得。」問到會否再生時？她說：「將來遇到合適嘅人都會想，想BB有個細佬妹。」又指女兒是最美麗的一份「意外」禮物。問到會否擺百日宴？她謂仍未決定，但一班朋友就很鼓勵表示要慶祝。
當問到BB爸爸是否有幫手撫養或有否探望時？Uny一概不答，只說：「我係母兼父職，BB爸爸係點唔係重點，我唔放在眼內，最重要唔好影響我心肝寶貝嘅成長，前面嘅路好長，我會令佢好幸福。」
|
鍾意就快D Share啦！
|
|
|