為咗仔女，羅嘉良在所不辭！
視帝羅嘉良最近返無綫參演劇集《與諜同謀》，演出亦忠亦邪角色「卓君臨」可謂過足戲癮，嘉良亦開心可跟新演員如李佳芯和黃心穎等合作接受新衝擊，並大讚演其兒子的鄭俊弘是可造之材。
娛圈新人輩出，「星二代」更是吃香，原來嘉良的18歲長子羅裕珹和三歲多幼女羅詠婷（Sela）亦承傳了他的音樂細胞，問可會讓子女入行發揮所長？在影視圈浸淫30多年的嘉良，與太太蘇岩都是演員出身，深深感受到這個行業的辛酸：「睇佢哋意願，等上天安排呢行好難講，往往付出同結果唔成正比，要捱、要有毅力又大壓力，我哋只想仔女開開心心、簡簡單單生活。」
唱歌未走過音
天下父母均愛錫兒女，嘉良雖擔心子女入行受苦，但不會阻礙兒子發揮演藝才華，並大讚兒子玩音樂勁度十足，唱歌從未走音：「佢最愛夾Band，自小聽佢唱英文歌都從未走音！（囡囡又愛唱歌？）Sela嘅音樂感超強，佢三歲幾，好活潑，可能佢係白羊座，唔會覺得Lonely，成日都自己同自己玩。（有冇諗過生多個陪佢？）暫時未有計劃，因為湊一個小朋友要好大精力。」
嘉良稱很滿意當下的家庭生活：「好幸福，囡囡好得意！（唔少人覺得Sela似混血兒？）係呀！我問過我阿嫲，好似對上一、兩代係有巴西血統，所以囡囡有啲似鬼妹仔！」對於長子往多倫多留學，嘉良表示贊成：「上年過咗去啦，都係個仔嘅意願，我當然支持！」
來源 source: http://hk.on.cc
|
鍾意就快D Share啦！
|
|
|