兩個媽咪都咁Young，真係天生麗質！！
世上只有媽媽好，做仔女嘅真係要好好孝順媽媽。圈中有唔少孝順女，趁住媽媽生日，向至親表達愛意。楊丞琳就係其中一位，佢喺微博上載同媽媽慶生嘅相，話祝媽媽60歲生日快樂。嘩！唔係楊丞琳講，真係一啲都睇唔出佢媽媽已經年屆60，遺傳果然冇得呃人，唔怪得楊丞琳咁多年都keep住童顏楊丞琳仲解釋點解上年已經話媽媽60大壽，佢話：「提早替母親慶祝真正的60歲生日！（因去年是59歲，但直接說60大壽比較吉利）謝謝姊姊親手做的草莓戚風蛋糕，超好吃～母親已習慣被我出賣，因此這張照片只有姊姊被保護，哈！祝媽咪身體健康，幸福快樂！我愛妳」
另一位孝順女徐若瑄，佢媽媽都生日，同楊丞琳媽媽一樣，都係keep得咁好一啲都唔似已經六十有一，徐若瑄仲好感動咁多謝媽媽堅持親手煮嘢食畀佢食，佢留言：「我最善良美麗、寬容無私的媽咪，生日快樂！謝謝您無論多忙，都會堅持親自下廚做菜給我們吃！謝謝您把61歲其中一個生日願望許給我們『她說希望120歲時還能下廚煮我們愛吃的給我們吃！』當上母親之後，更深刻體會母愛的偉大！嫁出去也一樣會常常回來看您～」
來源 source: http://hk.on.cc
|
鍾意就快D Share啦！
|
|
|