掃呢頁CODE去手機

2017年3月8日 星期三

陸永整唔見老婆手袋 好彩阿姐幫手搵番 __,阿姐,陸永,汪明荃,

多謝晒!藝人陸永喺facebook作緊急呼籲,佢留言:「超緊急!!!大約一個鐘前喺鰂漁(魚)涌海山樓七仔門口停一停車,跌左(咗)我太太個手袋,裏面銀包 ...


多謝晒!

藝人陸永喺facebook作緊急呼籲,佢留言:「超緊急!!!大約一個鐘前喺鰂漁(魚)涌海山樓七仔門口停一停車,跌左(咗)我太太個手袋,裏面銀包有回鄉証(證)等証(證)件,明天太太急需回鄉,如有任何發現或撿獲,請通知,請行一善,重酬,藍白色手袋仔,內藏粉紅色銀包」原係唔見咗老婆手袋,唔知萬能嘅FB幫唔幫到手呢?

「香港有咩好?好在有你呀!」

隔咗唔夠半粒鐘,陸永報喜話搵番個袋喇,佢留言:「香港有咩好?好在有你呀!!走上去警署報案,我老婆望住報案室已經大叫,我個袋呀~~~原來同一時間好心王娟姐拎左(咗)個袋黎(嚟)警署,仲猛話見到我地(哋)失而復得佢自己實在好開心,少少茶錢都唔肯收,娟姐,多謝你呀!!!」佢話同娟姐交換咗電話,要約佢飲茶呀!

中六合彩就分錢畀娟姐

陸永接受東網訪問,佢話同太太去鰂魚涌同朋友交收,開車門時唔知手袋跌咗出車門,因為連朋友都冇察覺,佢就開車走人,之後太太唔見手袋而大驚,因太太第二日要返內地工作,所以心急如焚。為安全計怕證件被竊用,所以去附近警署報失,但喺警署就遇正拾遺者娟姐,佢話今次可能係「史上最快嘅失而復得」事件:「諗住將銀包裏面幾千蚊畀晒娟姐多謝佢,但佢話唔要,我銀包內有張六合彩,如果中咗就分啲錢畀娟姐啦。」


來源 source: http://hk.on.cc
鍾意就快D Share啦!