惠英紅真豪氣！
本港樓價愈升愈有，然而一眾藝人卻無懼樓價高企，躍躍欲「市」！近日將軍澳區推出新盤MONTEREY，呎價高達萬七元，可謂冠絶全區，首輪開賣外界反應依然不錯，向來住在將軍澳區的英皇藝人惠英紅，昨日首輪向隅，今日即成功揀選心儀單位，以逾1,400萬元購入一個886呎的3房單位，被問到樓價高企，她說：「有需要同買得起咪買，冇乜點理，有住屋需要。」記者昨日恭喜她再做業主，她說：「多謝大家戥我咁高興，不過我要澄清，嗰個單位唔係我嘅，係我屋企人買，我陪去畀吓意見咋！（想換居住環境？）我搬唔搬過去係私隱，點話得畀你知呢？咁我屋企人買樓，都唔代表會同我一齊住啫！」
周秀娜都出手入貸貨
至於正忙拍戲的周秀娜亦頭戴Cap帽，獨自混入買家群中「揀樓」，隨即被眼利途人認出。有指周秀娜睇中一個叫價約800萬的兩房單位，打算購入作投資之用，記者昨日向她求證，她透過助手簡短回覆﹕「我一直有興趣喺物業投資方面，每逢有新樓盤都會去睇吓，但今次未有心水！」
來源 source: http://hk.on.cc
|
鍾意就快D Share啦！
|
|
|