查看相片
黃翠如偕洪永城宣傳新劇，被爆瞞婚的她春風滿面。
【東方日報專訊】無綫花旦黃翠如與蕭正楠拍拖兩年多以來感情穩定，被本報踢爆將於8月請假出走瞞婚。翠如昨日現身劇集宣傳活動，獲眾人以「蕭太」稱呼時笑騎騎，坦承已向公司請假，準備孖男友出國，但避談瞞婚一事，又表示未有計劃生B。
藝人黃翠如被本報踢爆與拍拖兩年多的男友蕭正楠（Edwin），將於8月請假出走瞞婚，心情大靚的她昨日現身無綫新劇《我瞞結婚了》宣傳活動，獲在場傳媒以「蕭太」稱呼，她全程笑到四萬咁口，並撒嬌說：「啋！」
對於與Edwin向無綫請假，翠如坦言猶如學生放暑假，是兩個小員工攞假旅行，惟近日獲通知8月要赴馬來西亞工作，男友亦要出埠拍旅遊節目。提到兩人欲秘密結婚？翠如未有正面回應，只說：「我哋拍拖時間都唔夠，等洪永城結咗先囉！（唔擔心做高齡產婦？）今時今日邊有呢啲嘢，開心就得（唔想生仔？）暫時未諗到咁長遠。（拍咗兩年幾都唔夠？）都冇乜一齊，出Trip最多都係4日，有朋友一齊都冇所謂。（唔想二人世界？）我哋光明正大嘅。」談到已發展至同居關係，她坦言會互相到訪對方寓所。
洪永城：我唔會瞞婚！
同場的洪永城對好友翠如被指出走瞞婚表示不知情，笑言想八卦一番：「佢乜都冇講，不過佢同男友係好Sweet。（翠如擔心結婚會令同你嘅螢幕情侶形象幻滅！）佢不知幾想擺脫呢樣嘢，可能佢想低調先唔張揚。（結婚都唔講？）有可能，同翠如都唔太熟，我唔會嬲，可能有自己原因，但我結婚就唔會瞞婚，光明正大啲。」
至於蕭正楠接受本報電話訪問時，直認8月確實有出國計劃：「但依家拍緊新劇《深宮計》，有可能再延期，有好多變數，未知去唔去得成，加上依家全世界都知我哋放假啦，一切都係未知之數。」
文：影視組
來源 source: http://hk.celebrity.yahoo.com
|
鍾意就快D Share啦！
|
|
|