無綫劇集《迷》播出後一直引起全城討論，唔少網友都大讚女主角田蕊妮（阿田）出色嘅演技簡直係爐火純青，盡顯其視后嘅功力，總之每場觀眾都拍爛手掌，仲高呼阿田嘅演技真係冇得頂呀！雖然《迷》就快完美落幕，不過好多網友都話好掛住阿田嘅演技，好想再重溫吓。
各位阿田嘅粉絲要留意喇！無綫官方See See TVB嘅Facebook專頁就剪輯咗一段阿田喺劇中嘅經典場口，唔單止淨係畀大家再次回味佢嘅精彩演出，仲同大家分析佢發生咩事呀。原來佢同喜劇《家有囍事》裏面嘅周星馳一樣患上「無定向喪心病狂間歇性全身機能失調症」，究竟係咩嚟？今次呢段片就會同大家分析佢5個症狀，難怪網友都話唔睇唔得啦，一定笑爆嘴呀！
首先，片中話病徵會有抑鬱同癲癇，於是剪咗阿田喺劇中獄中嘅場口，仲配埋扺死嘅配音：「我好抑鬱、我好抑鬱！」簡直令網友都話正爆，真係超級搞笑！除咗上述病徵外，阿田仲有精神分裂同躁狂嘅症狀，呢個場口就搵嚟阿田喺屋企幻想吳業坤（坤坤）纏繞住佢嘅一幕，呢一幕睇到唔少觀眾都拍案叫絕，話阿田嘅演技非常有層次，真係做得極之出色，仲搞笑話今年視后仲唔係佢？
片中最後就係有犯案傾向同自殺傾向嘅情況，片中就將坤坤發現話阿田嘅罪證，而阿田仲畀錢佢嘅對白，改成：「除條底褲出嚟，乜話？底褲都唔着？」大批網友都留言話配得好盞鬼，真係非常搞笑，勁正呀！而劇中阿田墮樓一幕，相信大家亦印象深刻，所以片中不斷重溫阿田呢一幕，網友亦搞笑留言話阿田好似跌落凡間嘅天使，仲大呼呢段片剪輯得好好，既搞笑又可以回味阿田嘅演技，Like爆呀！
網民有話兒：
JXX TXX：好掛住阿田嘅演技，真係好正！
CXX TXX：一定要支持呀！必睇！
MXX CXX：笑爆嘴，好funny！
SXXXX KXX：阿田嘅演技非常有層次，真係做得極之出色。
FXXX：呢段片剪輯得好好，LIKE爆呀
|
鍾意就快D Share啦！
|
|
|