做野蠻女友可以有幾野蠻？
相信唔少情侶，時不時都會為咗啲小事而鬧交，但正所謂「相嗌唔好口」，應該要諗吓點和睦相處先至重要嘛！無綫官方Facebook專頁《See See TVB》近日拍咗條片，教吓大家點樣氹女，而「34C翻版舒淇」陳芷尤就化身野蠻女友，不過網民竟然冇鬧佢，仲好恨佢做自己女朋友呀！
喺片中陳芷尤做乜都好想男朋友可以令佢開心同安慰佢，希望男友可以融入佢個世界，所以佢就逼對方認韓星名！芷尤BB小鳥依人咁依偎住男朋友膊頭，同佢逐一講邊個先係李敏鎬、宋仲基同金宇彬，點知喺呢個時候，男朋友就發嬲，反話都冇逼陳芷尤記住一堆AV女星嘅名唉～所以咪話囉，真係「相嗌唔好口」!
咁人哋係女仔嚟，有時都想人錫吓自己嘛！當每個月都總有啲日子唔方便時，痛起上嚟真係會痛到嘔，係真係會嘔㗎！芷尤BB即時化身「M痛女友」希望男朋友安慰佢，喺張床度典嚟典去，嗰把聲真係搞到唔少網友都大叫頂唔順呀！做男友嘅你，呢個時候就要犧牲小我喇！當芷尤BB聽到男朋友為咗自己可以畀佢咬同搣嗰陣，即刻變得溫文儒雅，話唔想整親對方呀，網友都話如果搵到陳芷尤做女朋友就好喇！
最尾陳芷尤仲露出白滑美腿，大大聲咁鬧男朋友成日買模型冇諗過將來，網友都竟然冇鬧佢港女仲話佢任性得嚟夠可愛！而男朋友都好識「做」，話係買嚟做結婚公仔嘅，搞到芷尤BB條氣即刻順晒！所以話呢，情侶之間得閒講吓啲好聽說話咪少啲爭執囉！
芷尤BB唔只做野蠻女友正，喺劇集《親親我好媽》做未婚媽媽都大獲好評，網友都大讚佢無論係溫柔定野蠻都拿捏得好好，希望佢日後可以多啲演出！
網民有話兒：
佳x：我傻傻分不清Stephy同吉澤明步咋嘛
Stxxen Txx：有個咁嘅女朋友就好啦
Nixxle xu：女主角演技好好
Kxxk xxx xxe：不如拍多啲劇
來源 source: http://hk.on.cc
|
鍾意就快D Share啦！
|
|
|
