相信大家都好想再次喺電視機前見到你！
藝人古天樂（古仔）及杜如風今日到銅鑼灣出席公開活動，大玩「碌喼」遊戲，期間有腳患的杜如風「墮喼」收場及輕撞舊患，認真慘情！古天樂自爆原來有「儲喼」習慣：「去旅行買喼係指定動作，屋企有間房要嚟放喼，大大話話有3、40個。我會買平平哋嘅，爛咗可以喺屋企放衫。」
怕擔當收視重任
最近忙於拍攝科幻片的古仔，直言有留意無綫有意開拍《再創世紀》。近日不時有舊將如張衞健等回巢效力，當問到無綫有冇聯絡他「還劇債」，以知名度幫手提升收視，古仔笑謂：「收視重任好難擔當喎。無綫係間中有搵過我，不過要睇劇本同時間囉。（想同邊個合作？）可能好多年後喇，依家講乜都冇用。」古仔直言自己閒時亦有睇電視：「主要係食飯時陪爸爸睇啫，我以前有劇出，佢都一定錄起佢，只係依家錄影機睇番啦。（爸爸讚你演技？）佢讚都唔係中肯啦。」
日食夜瞓杜如風嗌悶
另外，「墮喼」的杜如風坦言發生「意外」時，舊患有點痛：「依家做緊物理治療。其實醫生叫我起碼休息半年，唔好做運動，依家我喺屋企唔係食就瞓，一係寫吓稿咁，悶死喇。（再帶團？）係都要幫無綫拍旅遊節目先，佢哋都等緊我，暫時未諗去邊拍。」
來源 source: http://hk.on.cc
|
鍾意就快D Share啦！
|
|
|
