逝去感情如何留得住…？
歌手吳業坤（坤坤）與JW以大使身份出席職安健活動，坤坤表示開心參與這些有意義的活動，而且能與JW一起出席活動感到很高興，並希望之後可與JW合作，他搞笑謂：「因為緣分，可以喺茫茫人海中相遇。（你嘅女神周秀娜呢？）已經係過咗去嘅事情，依家向前望，忘記傷心回憶。（你哋都有拖手合唱過。）都開心過嘅。」
否認有儲鹹書
講到日本有男人被鹹書壓死的新聞，問坤坤可都有儲鹹書？他謂：「冇，我嘅年代唔興買，真係一本都冇，我18歲時已經係網絡年代，上網好多知識，不過大家要過濾，睇嗰啲（色情資訊）會諗多咗嘢。（係咪因為你阿媽check得嚴，所以唔敢儲？）阿媽真係好勁，成日收拾我房間，我有買漫畫書，但冇買色情刊物。」
新劇演技獲讚進步
另外，坤坤表示有份演出的劇集《迷》劇情開始進入直路，劇情緊湊，雖然他謂沒有留意收視，但出街都收到很多正評：「播之前好驚會有負評，驚話我個頭核突，對白又講唔清，但結果冇收到負評，仲話我做戲好似好咗，所以好開心。」
來源 source: http://hk.on.cc
|
鍾意就快D Share啦！
|
|
|
