80年代，劉鑾雄開始活躍於金融及地產業，由一個「風扇佬」，變為股壇狙擊手，其早年狙擊莊氏、達能、華置，到嘉道理家族的大酒店，其出神入化財技，確立「股壇狙擊手」形象。劉鑾雄講番大劉這個「股壇狙擊手」稱號，他倒是不認同，更澄清謂：「我唔係股壇狙擊手，每次有呢啲行動，次次百分之一千都係被迫。我可以誓神劈願講，完全係被迫！」「其實係可以唔使發生呢啲事（指狙擊），可能啲人睇我唔起，諗住我冇能力去挑戰佢哋，先迫我出手呢！不過唔方便講咁多，因為個個生勾勾喺度。」【絕大部份港人低估我嘅智慧】
在多宗狙擊戰役中，到底哪一仗是他認為贏得最滿意呢？大劉稱：「冇一單我覺得係最漂亮同滿意！因為我唔想嘅！絕大部份香港人係低估咗我嘅智慧，我可以含蓄啲講，例如一個乞丐話郁你，你會唔會驚個乞丐吖？可能佢哋當我係乞丐中嘅乞丐」1980年代末，大劉旗下公司如中華娛樂及華人置業進行多次供股，使小股東的權益大幅攤薄；90年代初，公司資金充裕又不派息，有股民質疑他是否把供股回來的大量資金豪花在女人身上？大劉駁斥：「第一啲人係白癡仔嚟嘅！我使錢喺女人度，或者我送咗副身家俾啲女人係我嘅事！我唔係攞公司資產送俾人，或者攞公司錢買嘢俾人，我要澄清！」【87年集資30億遇股災】
「第二話我供股。我喺87年金融風暴前，我同置地買咗24億物業，唔夠一個禮拜集資咗30億，但唔夠兩個禮拜就發生股災，人哋就用天災人禍取消咗我單供股集資，我手上當時有30億現金全面投資咗，蝕咗一半，唔見咗十幾億，供股又取消咗，咁嗰24億點樣埋單呢？環境好惡劣！」「我點解要集資幾次？其實係將嗰30億化整為零，次次都係自己包銷嘅，咁其實嗰幾次嘅數，都唔及得嗰次30億集資，咁啲人又唔去計嗰30億俾人取消咗？我冇錢還債，銀行要清我盤，咁邊個同我埋單呀！咁嗰時公司手緊咪唔派息囉！但好似依家公司鬆動，我咪派好多息？」但大劉係最大股東，公司派息，咁佢都係最大得益人喎！「咁我係用真金白銀買啲股份返嚟㗎喎！所以同呢啲人講都嘥氣點解呢？等佢明呀？佢做咗某某首富嘅老闆唉！仲喺度阿吱阿咗講口水、講耶穌！呢啲嘢睇歷史，87年我係咪有30億集資俾人取消咗，先至連環供股，冇記錯應該供咗4、5次夠數之後28、9年係好長時間冇再供股。」【「我連呢批股票都送俾佢！」】
當時流傳有一個師奶寫信給他，請教他應否參與中華娛樂股票的連環供股，結果大劉請了這位師奶上華置，不單把她買股的錢全數還給她，股票也不收回，就當禮物送給對方。問大劉有沒有這事？他說：「係呀！見佢肯寫信嚟問我，我約咗佢上寫字樓，然後同佢講，你啲師奶唔應該投資股票！有時應該供你就唔供，唔應該供你就去供，一定俾人呃晒啲錢！」「我問佢用咗幾多錢買股票，我直情俾番嗰筆錢佢，連呢批股票都送俾佢，所以到依家每年佢都有送月餅俾我㗎！我唔識佢㗎！同埋佢唔後生㗎我當年後生佢好多，佢4、50歲唔係又以為我貪圖美色。」
統籌、採訪：陳月媚
攝影：陳俊強
攝錄：NEO、馮嘉銘、吉吉【劉鑾雄講大劉（1）】
獨家 千億富豪劉鑾雄 24歲問家傭借錢入院割膽
http://bit.ly/2ngVqNq【劉鑾雄講大劉（2）】
走過三輪水貨 「風扇劉」血淚史：唔夠半年已經冇錢出糧
http://bit.ly/2obalOj【劉鑾雄講大劉（3）】
遭猶太人出賣 大劉：我係廢柴中嘅廢柴，懵炳中嘅懵炳！
http://bit.ly/2mPTGzh【劉鑾雄講大劉（4）】家道中落 老父開廠俾人呃晒 大劉10歲前冇床瞓
http://bit.ly/2nr56WG【劉鑾雄講大劉（5）】大劉親剖與父關係：初則口角，繼而動武
http://bit.ly/2on7WQC【劉鑾雄講大劉（6）】聘福臨門廚師為家廚 大劉狠批昔日飯堂：依家唔啱胃口！
http://bit.ly/2oLevsv【劉鑾雄講大劉（7）】保鑣變毛巾黨 大劉驚握手：啲男人小完便唔洗手！
http://bit.ly/2oBDr69【劉鑾雄講大劉（8）】渣甸山大業主帶鎚仔收樓：扑爛咗，再做過！
http://bit.ly/2nzVt76【劉鑾雄講大劉（9）】大劉鬧廢青：叫佢咪去旅行？仲慘過殺佢老竇老母！
http://bit.ly/2oBFA51【劉鑾雄講大劉（10）】出手太狠跌200億 大劉：我點會唔怕輸！
http://bit.ly/2p4k31h
【Timeline】手機用戶請按此，瀏覽「傳奇狙擊手劉鑾雄」: http://bit.ly/LAU-timeline
|
鍾意就快D Share啦！
|
|
|
