鄧兆尊講起祥嫂興建永祥館就好搞笑，談及賣地，笑言是「食泥」！
藝人鄧兆尊現身大角咀，被問有否與母親祥嫂（洪金梅）聯絡，他說：「唔打搞佢喇！（佢話興建永祥館，你到時會撐場？）撐場定踩場吖？如果邀請到嘅，我冇所謂，但係我冇乜新馬師曾（父親鄧永祥）嘅珍藏，有都喺晒祥嫂度！」
問之前放售西貢地皮進展如何？他說：「交晒畀細佬（鄧兆榮）搞，佢好大責任，應該唔會走咗去啩！（你有地、有女令人羨慕？）我呢啲正一所謂食泥咋！」意思是靠賣地養活自己。
畀番條生路行吓
提到薛家燕拍無綫劇集，希望可以搵番《皆大歡喜》原班人腳再度合作，兆尊說：「我都七、八年冇拍嘢，覺得依家嘅拍攝同以前唔同咗，依家快好多，但OK嘅，不過我諗佢好難搵得齊成班人，因為當中有啲已經做咗人爹哋。（去拍嘢唔驚冷落三位紅顏知己？）你又知佢哋唔會喺度？（搵多個等佢哋自己打麻將？）咪喇！畀番條生路行吓！」
來源 source: http://hk.on.cc
|
鍾意就快D Share啦！
|
|
|
