「大美人」關之琳（之之）現身MOISELLE 2017春夏系列時裝秀，同場發布跟她合作的「Rosamund MOISELLE 2017 春夏系列」，之之舊愛馬清偉與現任女友Winnie也有撐場，她說：「佢上一季都有來，我哋係好朋友，同佢女朋友都係好朋友。（係咪同舊愛都可以做番朋友？）盡量啦，（咁前夫呢？）遲啲先算，（佢有冇想搵番你？）遲啲再講！」她又謂前夫有朋友做代表前來捧場。
穿上全新服飾的之之，笑言自己牌子要幫手賣廣告，問她會否走秀？她即耍手說：「我陣間要行個圈都好驚，自己牌子會緊張啲，（上次你有打鼓驚喜？）今次冇呀，上次本身都想現場打，但後來都冇，但我已經緊張到癲咗，做藝人做慣人哋嘅嘢，自己牌子就有壓力。」
未揀啱劇本
談到早前她透露在看劇本，問現時有沒有着落？她笑說：「唔啱呀，唔係人哋問題，係過唔到自己個關，始終休息咗咁耐去做呢樣嘢，除非真係有啲令我毛管戙嘅劇本，（你啲影迷咪好失望？ ）我驚我拍得唔好佢哋仲失望，（你好朋友金燕玲都成日挑戰角色？）我都好替佢開心，佢拍好多戲都有提名同攞獎，咁佢本身做得好，有時我都會諗，佢個角色我做得唔得呢？我自己睇一部戲，最少睇三次。（如果有你啲好朋友一齊演會唔會可以打動到你？）睇吓啦，話唔埋，好多嘢係突然間遇到，總之做自己開心嘅嘢！」
來源 source: http://hk.on.cc
|
鍾意就快D Share啦！
|
|
|
