2017年4月7日 星期五

【女神封盤】33歲沈卓盈公開認愛 感情穩定唔排除隨時閃婚 __,女神,沈卓盈,

噚日係沈卓盈嘅33歲生日,連日嚟已經有唔少朋友提早同佢慶祝,不過正日梗係留返俾最重要嘅人,喺今日凌晨,沈卓盈喺ig貼圖兼留言話:「Thankyoufo ...


噚日係沈卓盈嘅33歲生日,連日嚟已經有唔少朋友提早同佢慶祝,不過正日梗係留返俾最重要嘅人,喺今日凌晨,沈卓盈喺ig貼圖兼留言話:「Thank you for arranging me these birthday dinner again, it is indeed delightful~」雖然佢冇明確講邊個同佢一齊慶祝,但係睇到佢上載咗一張戴住情侶戒指嘅手,揸住酒杯嘅相,相信呢個係佢傳聞中家族經營內衣褲出口生意嘅Calvin,唔通沈卓盈想趁生日公開戀情兼公佈訂婚喜訊,三喜臨門?沈卓盈今日回覆傳媒時,答得好瞹眛話:「你估吓?呢個只係普通情侶戒指,你諗多咗。」再問呢個係咪緋聞男友、家族經營內衣褲出口生意嘅Calvin?沈大師冇否認兼大方答:「噚晚好開心,同個好朋友一齊食飯,冇話公唔公開,開心就得,我現階段感情穩定,遲早都會公開。」今日沈卓盈喺將軍澳出席活動,又俾人追問戀情,今次佢笑得好甜咁直認有拖拍:「係囉,我0依家好開心囉,多謝大家,我哋拍拖都有一段時間,係朋友介紹認識,總之0依家生活好開心,亦都好穩定,公唔公開都係遲早嘅事。」講到男友嘅身份,佢話:「佢係圈外人,叫Calvin,打理屋企生意。」慶祝方面,沈卓盈話:「佢都問我想要乜嘢,不過我淨係想開開心心食餐飯,佢仲畀咗封利是我,我都第一次生日有男仔俾利是,真係好特別,好傳統同心思。」話晒0依家咁穩定,唔知又有冇閃婚嘅可能呢?沈卓盈話:「哈哈,好難講呀!不過我啲屋企人都好鍾意佢,我哋對感情都係認真同專一嘅人,呢方面大家都好有默契,要發生遲早都會發生,講timing喇!。」

沈卓盈認同Calvin拍拖,仲話唔排除有閃婚可能。 噚日沈卓盈正日生日,呢一日梗係同最重要嘅人過喇!(沈卓盈ig圖片) 今日凌晨喺ig晒情侶戒指相。(沈卓盈ig圖片)
沈卓盈話0依家生活好開心。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...