2017年4月7日 星期五

【鄭俊弘舊愛】不忿阿妹遭狠撇 姜文杰不點名:好,一對狗男女 __,鄭俊弘,姜文杰,姜文,

33歲嘅鄭俊弘(Fred)近日被爆背未婚妻Beebs與何雁詩(Stephanie)撻著,噚日仲同好勝Stephanie手拖手現身機場,正式公開戀情。原 ...


33歲嘅鄭俊弘(Fred)近日被爆背未婚妻Beebs與何雁詩(Stephanie)撻著,噚日仲同好勝Stephanie手拖手現身機場,正式公開戀情。原本同鄭俊弘係好朋友,喺加拿大讀書時已經認識嘅姜文杰,一直有傳係佢介紹自己個妹姜麗文(Lesley)畀阿Fred認識,Fred同Lesley好快就拍拖,仲暗交咗6年。但男方自從《星夢傳奇》彈出後,就開始疏遠Lesley,終於喺14年,Fred突然向姜麗文提出分手,知情人士話當時姜麗文完全接受唔到,情緒近乎崩潰,仲曾經好激動咁同閨密講:「佢(Fred)紅咗先飛我!」(新聞連結﹕ http://bit.ly/2nWZ4y3 )。姜文杰唔知係咪要為妹妹出口氣,噚晚突然喺instagram爆seed貼咗一張周星馳同吳孟達《整蠱專家》裏面其中一張截圖,寫住﹕「好,一對狗男女。」之後佢仲hashtag#熱烈地彈琴熱烈地唱#DKLMCFH#花生;噚晚又喺Facebook貼咗張馬騮相,教人食完蕉要收番皮,大字寫住「收X」。而姜麗文噚日亦有喺ig留言﹕「mentally and emotionally exhausted.(精神上同情感上已經好疲累)」被問到係咪暗寸鄭俊弘?姜文杰今日以短訊回覆《蘋果》謂﹕「唔回應喇!」而姜麗文就一直冇回覆。

姜文杰喺ig疑代妹出頭。(資料圖片) 有網民心水清,覺得姜文杰係心痛個妹。(姜文杰ig) 姜麗文ig
(資料圖片) 鄭俊弘同何雁詩拍MV已互生情愫。(網絡截圖)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...