掃呢頁CODE去手機

2017年4月6日 星期四

古天樂有情有義 繼續關照唐詩詠 [壹週刊 - 1413] __,古天樂,唐詩詠,M1,

娛樂偵訊古天樂有情有義 繼續關照唐詩詠古天樂與崔建邦情如兄弟,出名有情有義的他,唔只好友落難會出手相助,就連兄弟前度都幫。09年與崔建邦分手的唐詩詠, ...


娛樂偵訊

古天樂有情有義 繼續關照唐詩詠

古天樂與崔建邦情如兄弟,出名有情有義的他,唔只好友落難會出手相助,就連兄弟前度都幫。 09年與崔建邦分手的唐詩詠, 13年得到古仔欽點,為他主演的電影《逃出生天》,飾演女朋友角色。早前發現唐詩詠與古仔公司同事密斟,據知兩人將有合作,有古仔繼續關照,鋪電影路。

同事代傾合作

本刊早前於銅鑼灣發現唐詩詠與一女友人行街,一人一袋戰利品邊行邊傾,同行友人原來是古天樂電影公司「天下一」( ONE COOL)的工作人員。「做咗電影老闆嘅古仔,一早講咗會開八套戲,雖然佢而家忙住拍科幻片《明日戰記》,但會同步處理其他事,好似想搵唐詩詠再合作,佢唔得閒咪搵公司同事代佢傾住先。」有知情者說。

早前,本銅鑼灣發現唐詩詠與古仔公司工作人員行街兼密斟。

13年,古仔欽點唐詩詠演出他主演的電影《逃出生天》,戲內做他女朋友,並有肉緊 kiss鏡頭。

電視味唔重

「兄弟」崔建邦與唐詩詠分手多年,古仔依然撐好友前度。「五、六年前 Amigo搞製作公司時,唔多接商場活動嘅古仔,見老友係搞手,就以友情價接做,嗰陣 Amigo同唐詩詠分咗手,見佢喺 TVB機會唔多,又搵佢拍《逃出生天》。而家古仔自己開電影公司,新戲要搵女主角,當然會先益自己人,加上唐詩詠形象好,有觀眾緣,古仔覺得佢可以上。」有知情者說。

唐詩詠近日已飛橫店為《天命》拍攝,劇中對手是陳展鵬。

雖然與崔建邦分手,但唐詩詠與他再見亦是朋友,至今仍保持聯絡。

甚少接商場活動的古仔,因為兄弟崔建邦是搞手關係,以友情價出席剪綵活動撐兄弟。

揚言今年開拍八部電影的古仔,正忙於為科幻片《明日戰記》開工。

與洪永城很穩定

唐詩詠與洪永城拍拖三年,感情穩定。

近日,唐詩詠飛到橫店為劇集《天命》拍外景,本刊致電問她有關與古仔合作一事,她只說:「冇乜特別呀,冇乜好回應,我唔回應喇。」

事業有古仔幫,至於感情,與洪永城拍拖三年的她,發展穩定。「成日傳佢哋有問題,其實佢哋有共識,唔想成日將感情事掛喺口邊,唔住埋一齊就係想有生活空間。」有知情者說。

一條龍發大嚟搞

古仔唔只有型,仲好有腦!四、五年前已買下專做 CG特技聞名的公司 Fat Face Production Limited,另外還收購廣告公司、特效化妝、後期製作等公司。 14年,古仔睇中導演杜琪峯於觀塘潤承大廈的辦公室,三年內以一億元分別購入一樓及三樓全層單位,去年再開設「天下一」( ONE COOL)電影公司,提供電影拍攝的一條龍服務。

撰文、攝影、攝錄:娛樂組


鍾意就快D Share啦!