喺娛樂圈入面，女藝人最光輝嘅時間，會係18至30歲，但男藝人呢？30歲先係佢嘅開始，好似歐瑞偉咁，佢做演員咁多年，但最令人入心嘅，一定係當年《尋秦記》嘅陶總管喇，之後就係近年喺《愛•回家》入面演嘅賤精KC，最近佢就喺《與諜同謀》入面演曾京生，再一次同羅嘉良（撈家）有對手戲，冇錯，係再一次，因為佢同撈家喺2003年播出嘅《衛斯理》入面，已經合作過一次。大家如果有留意的話，歐瑞偉o依家個樣係同佢當年喺《衛斯理》係冇分別，14年嚟都冇乜點老過，真係keep得唔錯。相反撈家就唔同喇，比起當年嘅佢，老咗唔少，睇嚟歐瑞偉真係有佢一定嘅養生之道喎。除咗個樣keep得好，歐瑞偉個body都一樣咁正，上年播嘅《城寨英雄》，歐瑞偉演嘅楊竹鑾，係套劇嘅最終boss，除咗要演得奸之外，仲要打得，而因為佢劇中係識得鐵布衫，所以會有唔少爆衫嘅場面，大家可以睇到現年55歲歐瑞偉嘅身型，真係keep得唔錯！
來源 source: http://s.nextmedia.com
|
鍾意就快D Share啦！
|
|
|
