掃呢頁CODE去手機

2017年4月9日 星期日

【金獎像紅地氈】姜麗文舉家現身 秦沛代女出頭:有時夜晚瞓覺都會笑醒 __,姜麗文,秦沛,

今日係第36屆香港電影金像獎,現場行緊紅地氈,一眾電影人都有出席,星光熠熠。秦沛、姜麗文、姜文杰一家三口行紅地氈,問秦沛近排係咪好開心?在旁嘅姜文杰話 ...


今日係第36屆香港電影金像獎,現場行緊紅地氈,一眾電影人都有出席,星光熠熠。秦沛、姜麗文、姜文杰一家三口行紅地氈,問秦沛近排係咪好開心?在旁嘅姜文杰話:「好開心!」秦沛話:「頭先,依家,一陣都好開心!」鄭俊弘近排有好多負面新聞傳出,有人問佢呢兩日係咪特別開心?姜麗文即揞住半邊嘴笑,秦沛就話:「呢兩日係攰啲囉,因為喺第二度返嚟,因為時差嘅關係,有時夜晚瞓覺都會笑醒。」咁係咪睇完鄭俊弘嘅新聞所以笑醒?佢就話:「我冇睇佢啲新聞喎!淨係睇金像獎啲新聞,男配啲競爭得咁緊要,個個都咁有實力!」問姜麗文,鄭俊弘曾話「無負於你」喎,咁佢點睇?姜麗文以微笑回應,在旁嘅秦沛問在場傳媒:「你哋想唔想我哋開心啲呀?」跟住就還番支咪俾記者。再問姜文杰,佢之前喺ig講嘅「狗男女」係咪意有所指?佢就只係話:「多謝多謝!」


來源 source: http://s.nextmedia.com
鍾意就快D Share啦!