掃呢頁CODE去手機

2017年4月9日 星期日

金像獎決戰!林家棟惠英紅被睇高一線 __,金像獎,惠英紅,林家棟,

唔通真係呢個組合?《第36屆香港電影金像獎》將於香港文化中心舉行,誰是出爐影帝、后亦快將揭曉,一如過往大獎均競爭激烈!影帝方面,吳鎮宇與梁家輝兩大影帝 ...


唔通真係呢個組合?

《第36屆香港電影金像獎》將於香港文化中心舉行,誰是出爐影帝、后亦快將揭曉,一如過往大獎均競爭激烈!影帝方面,吳鎮宇與梁家輝兩大影帝演技無需懷疑,但中途卻殺出過林家棟,憑入圍電影《樹大招風》已先後於「香港電影評論學會大獎」及「香港電影導演會年度大獎」獲得影帝之名,隨即令他於金像獎影帝亦告火熱,絕對有足夠資格拗手瓜,「升呢」為金像影帝。影后原本由內地女星周冬雨的《七月與安生》被睇高一線,年紀輕輕的她亦憑該片獲得今屆金馬獎及「香港電影評論會學大獎」影后獎,惟被本地薑惠英紅中途截劫,憑《幸運是我》演認知障礙症病人,適逢小紅現實中的母親亦是同一病患,故演繹時絕對手到拿來,再加上本土情義結情況下,小紅封后也被睇高一線。

男配勁難揀

而最佳男配角可謂最令評審們頭痕,皆因曾志偉、泰沛、廖啟智、吳孟達等均是實力派,所以要到最後一分鐘才能揭盅,不過吳孟達就來個事前分析:「個個都犀利,志偉有觀眾緣,揣摩角色好到家,智叔係學術型,呢個圈好少,佢追求完美,秦沛唔使講,我死敵嚟,以前套套戲都蝦我,佢啲戲簡直爐火純青...但我今次都花好多心機架!」最佳女配角就以金燕玲一支獨秀,難怪對手文詠珊亦坦言沒甚勝算,志在參與。至於亦是金像獎協會董事局董事的任達華,睇好林家棟及任賢齊雙雙稱帝,影后就力撐老友惠英紅,有份於第二輪投票兼評審團之一的黃子桓,亦睇好林家棟奪影帝,大讚其角色突破以往的框框,影后及女配角就分別睇好周冬雨及金燕玲。


來源 source: http://hk.on.cc
鍾意就快D Share啦!