鄭俊弘（Fred）與何雁詩高調認愛後是非愈來愈多，先有昨日與Fred同場的麥明詩（Louisa）在社交網上以「TVB首席男歌手」來形容Fred，惹來抽水之嫌。未幾Fred前經理人亦在社交網貼圖暗指Louisa冇家教。昨日Fred與Lousia同場出活動，Fred以海量粉絲搶盡Lousia風頭，二人玩遊戲時更將真性情擺上面，反白眼、扁嘴出齊，以洩不滿！
鄭俊弘（Fred）與何雁詩從否認戀情到拖手認愛，短短幾日惹來不少批評。男方被指一腳踏兩船、女方疑做小三成為全城熱論，先有Fred舊愛姜麗文的哥哥姜文杰代妹妹出頭，在社交網貼圖暗嘲，未幾麥明詩又指將與「TVB首席男歌手」鄭俊弘一齊出活動，惹來抽水之嫌。而Fred的前經理人Victor頓時反擊，在社交網貼出兩隻狗狗合照，指狗狗雖沒有受過高等教育，但比冠軍狗來得優質，暗指Louisa冇家教，就連Fred的陳年緋聞女友岑日珈亦再踩一腳，寸「雁鄭戀」:「唔知紅幾多日呢？」
冇「照肺」唔怕雪藏
Fred與Louisa昨日出活動時，Fred以海量粉絲撼贏有父母撐場的Lousia。二人在台上玩遊戲時雖樂意拖手交戲，但玩表情遊戲時終忍不住流露真性情，反白眼、嬲嬲、扁嘴樣樣齊，似宣洩對對方的不滿！
談到Fred拖手認愛而老闆何哲圖不知情，他否認激嬲對方：「老闆係支持嘅，佢仲安慰我！」被指講大話的他解釋是為了保護愛苗，但與何雁詩商量後決定公開，至於可會擔心被雪藏？他說：「有考慮過，但見到阿詩對我支持同信任，覺得大家要一齊度過！」被問會否擔心拖低主演劇集《與諜同謀》的結局收視？他直言冇想過，亦未有被公司「照肺」。
自誇有膊頭肯承擔
談到姜文杰留言揶揄一事，他表示有睇到：「唔想太多回應，佢講乜我控制唔
到。（紅咗就飛姜麗文，有負於佢？）唔係！冇咁嘅事！」由於他未有將「雁鄭戀」的拍拖時間與前未婚妻分手的時間公開，令何雁詩背負小三之名，他表示：「澄清咗佢唔係第三者。（形象受損，一鋪清袋？）冇咁諗，會正面啲去面對，做好自己先，希望大家畀啲空間！」受訪後的他落台與粉絲合照，期間又多謝粉絲支持，更指「要做番一個男人要做嘅嘢！」
同場的Louisa獻唱期間頻頻甩嘴又走音，談到她疑似「抽水」，她直言是誤會，因鄭俊弘是無綫裏年資最深的歌手，與對方同台又要獻唱令她壓力倍增。至於在社交網對鄭俊弘「抽水」後，又拖對方手可會尷尬？她說：「我唔係抽水，頭先都講咗啦，我都有同佢講唔好意思，句說話畀人扭曲咗。（討厭一腳踏兩船的人？）冇話憎唔憎，如果畀人咁樣做當然會唔開心，但係發生一定有原因，呢啲嘢要當事人先知！」
談到鄭俊弘的前經理人Victor疑批評她冇家教，她說：「我冇去猜度人哋講嘅嘢，如果成日去諗啲深層次意思，會好攰，我個人好簡單㗎啫。」。而Victor則回覆指：「唔好意思我讀書唔多，唔方便回應。」
更多新聞，請瀏覽東方日報網頁：
http://orientaldaily.on.cc/
|
鍾意就快D Share啦！
|
|
|
