金燕玲到電台接受好友蘇施黃訪問。
出爐金像獎「最佳女配角」金燕玲現身密友蘇施黃（阿蘇）主持的電台節目，由於金燕玲成為金馬、金像獎隻料最佳女配角，阿蘇即封她為「金孖玲」， 諧音「金媽」意指她戲中常做人哋阿媽。阿蘇還說要爆金燕秘密，取笑她在得獎電影中的造型，比每朝早起床的樣子衰十萬倍！
想同子華合作
獲獎後，金燕玲表示最想和黃子華合作，而阿蘇即得戚說子華邀請自己客串一場打牌戲，但她以要對方攞到金像獎先講，金燕玲笑謂：「呢個世界就係咁唔公平㗎喇，我攞到金像獎反而冇得拍。」
6點後唔進食
不過，阿蘇公開表示會送一份禮物給金小姐，就是決定減肥，會由現時152磅減到目標140磅，晚上6時後就不再進食。金燕玲說：「又唔使完全唔食，唔食會病。」阿蘇謂：「你怕我早死過你啫。」問金燕玲多謝你照顧起居，待她安心拍戲？阿蘇說：「咁咪好。（見佢台上攞獎有冇感動到喊？）又冇，反而上次去角逐金馬獎時仲緊張。」
有指金燕玲在台上忘記多謝阿蘇？阿蘇即說：「好多年前已經同佢講唔使多謝我！」金燕玲即說：「我好想多謝佢，但上到台記得多謝個女，又唔記得佢。」
來源 source: http://hk.on.cc
|
鍾意就快D Share啦！
|
|
|
