諾懿話仔仔好百厭。
藝員黎諾懿與老婆李潔瑩的愛情結晶品「小春雞」今早於養和醫院出世，BB出世重6.6磅，母子平安，恭喜！恭喜！
開刀
「小春雞」預產期原本是16日，李潔瑩亦打算順產，但最後仍接受醫生建議「打尖」開刀分娩，黎諾懿表示：「老婆本來堅持順產生，但呢幾日感覺唔同平時，醫生檢查話老婆就生得，但係BB未轉頭，個頭未入產道，同埋個仔個頭比較大，建議開刀生，幫我哋打尖安排產房。開刀嗰陣個仔都好百厭，左閃右避，最後醫生要用吸盤吸佢出嚟。」
湊仔冇問題
黎諾懿指初為人父心情好得意，感覺神奇，但因星期日才決定翌日開刀生BB，給老婆「詐型」由求婚、結婚到生仔也十分倉猝。問到黎諾懿覺得仔仔似他還是媽媽？他笑說：「啲人話個樣就似媽咪，我覺得對眼似我。」黎諾懿因為篤信風水，仔仔名字會交給師傅改，英文名會由老婆改，他說：「湊仔就唔係問題，因為已經喺我哋兩個家族嘅第八個BB，所以好熟手。」
來源 source: http://hk.on.cc
|
鍾意就快D Share啦！
|
|
|
