相關連結:
【誠哥抗衰老】落重本發明「抗衰老衫」 仲有中藥「偉哥」保老而彌堅
http://bit.ly/2qq8iml
【誠哥抗衰老】食霹靂果補腦養顏 李嘉誠愛食「貓魚」有原因
http://bit.ly/2oT5XiD
____________________________
周日娛頭 :
【腰傷停工9個月】程可為捱到甲亢︰打botox喺眼簾遮凸眼
http://bit.ly/2oJs8wG :
古有秦始皇搵不死仙丹，今有「誠皇帝」訪尋「抗衰老藥」。八十八歲的李嘉誠，其紅顏知己周凱旋兩個月前話，維港投資將投資抗衰老產品，自己會先試用，又問大家：「有無覺得李生（李嘉誠）今日好後生？」上週四，謎底揭開。美國抗衰老藥公司ChromaDex公佈，獲誠哥旗下維港投資融資2,500萬美元（約2億港元），公司主力生產抗衰老產品NIAGEN®。
VitaCell International（好細胞國際）是首間將NIAGEN 引進香港並獲獨家代理權的公司，行政總裁馮家勝(Wilson)接受本刊專訪時指，見到通告一出，即致電ChromaDexz恭賀，對方亦透露維港投資很滿意其產品及business model︰「我問佢，李生（李嘉誠）有無試用過產品？ 佢（ChromaDex）就話，好大機會試過︰『如果佢唔喜歡呢個產品，佢唔happy，佢會唔會投資先？』」
NIAGEN主要用途是提升諾加因子(NAD+)水平。諾加因子是人體細胞不可或缺的代謝物，但隨年紀增長，諾加因子水平就會下降，如果補充到，就可達致抗衰老、提升新陳代謝、及改善糖尿病、心血管系統功能等效果。Wilson亦指，哈佛驗證過，提升諾加因子水平，令兩歲老鼠一星期內逆轉至六個月大，等於人類60歲可以後生到20歲，逆齡40年。
今年35歲的Wilson，聲稱試了這保健品半年：「過了兩、三星期，我去洗手間暢順咗，一、兩個月後，睡眠質素好咗。」VitaCell由30位專業人士包括商人、註冊會計師、投資銀行家等組成，兩年前開始研究生物科技。去年4月，他們決定跟Chromadex傾獨家代理。Wilson花了一個多月，每晚深夜12點、1點開始在電話跟Chromadex代表傾2至3小時，加上Email溝通，終於傾掂。他認為最難處理的一環，是找適合生產商去製造︰「佢哋好保護自己的品質。我哋同佢講，喺亞洲搵生產商，甚至我哋返大陸做，價格會低好多。但因為質素問題，我哋到最後咬實牙關，全部喺美國生產。」
去年9月，第一批貨、約2,000樽保健品推出市面，定價每樽980港元。Wilson坦言，香港保健品太多，首兩、三個月找銷售人員來推銷，但銷量一般，後來加強Facebook及Email宣傳，目前已售出6,000樽，有四至五成為回頭客，主要顧客是中年以上人士，有七成為女性。今次誠哥肯擲錢，更加點石成金。
採訪︰黃嘉慧
攝錄︰關永浩
|
鍾意就快D Share啦！
|
|
|