曾志偉喺20年後再奪最佳男配角
曾志偉憑電影《一念無明》，繼1997年《甜蜜蜜》後，20年後再奪最佳男配角，他在內地女星春夏手上領取獎項，他說：「好緊張，好緊張，我諗唔到我咁緊張！本來諗都攞過啦，有乜咁大不了！不過對手名單太勁，秦沛、廖啟智、吳孟達，黑仔（姜皓文）你畀心機，我一部撼你二十六部，跟住係你嘅喇，知唔知！呢啲係命嚟，上一次我攞，係新導演陳可辛，今次攞又係新導演叫黃進，大家多啲留意佢！佢寫咗個好好劇本，同畀咗個好角色我做，我睇完冇法抗拒，大家都有目共睹，個電影講嘅係城市話題，估唔到後生仔可以寫得出、拍得出咁有心嘅電影！」
志偉又鼓勵角逐影帝的余文樂，他說：「我要多謝戲中對手余文樂，我冇諗過佢演得咁好，同埋唔同我傾偈！金燕玲攞、我攞，下一個到你！我要多謝特登嚟支持我嘅女，就係佢話：『爸爸你拍喜劇都唔知講乜，可唔可以拍啲有深度嘅戲？』，另外，今年我哋兩父子（曾國祥）都有提名，如果一齊攞獎就冇得頂！」
來源 source: http://hk.on.cc
|
鍾意就快D Share啦！
|
|
|