前歌手、現升呢為「生煎王」的蕭潤邦（Oscar）和江若琳（Elanne）由朋友變成戀人，兩人身邊一眾同於2007年出道的歌手好友如洪卓立、鍾舒漫、張紋嘉，張惠雅及陳柏宇等齊表示愕然，但仍興高采烈送上祝福，笑罵兩人戀情收得太密，又話要屈兩人食大餐補數。
洪卓立：「我都係睇到東網先知道咋，當然祝福，我已經立即喺我哋2007年出道歌手嘅群組度，大家都恭祝佢哋啦，估唔到佢哋拍拖，完全無先兆，唔聲唔聲咁樣，但都開心，佢哋兩個人都係好得意嘅人，（一啲都唔察覺？）唔怪得Oscar成日約食飯啦，原來吓…，可能借啲易咁。」
陳柏宇：「你講我先知囉，佢哋（2007年出道歌手）仲喺個group度send Oscar啲新聞畀我，我以為Oscar齋拍拖，冇睇入面喺啲咩內容，原來佢（同Elanne拍拖）…頂。」
鍾舒漫：「梗係恭喜佢哋，我戥佢哋開心呀，大家都識咗十年，呢個結局雖然係幾surprise，但又係好sweet嘅，其實一直都約緊江ling（Elanne）食飯，但約得好辛苦，大家都忙，見極都見唔到，其實佢都表達過佢有着落，我都好緊張係邊個人，要佢遲啲介紹我識，嗰時聽到口氣，佢都好開心咁嘅，今個月完咗我就諗住見佢，又見埋佢另外一個，我覺得睇吓過唔過我嗰關先啦，咁依家唔使啦，都知道晒，我都識咗Oscar都好耐啦都放心嘅，咁中間都唔係成日見，但不斷都大家都成日傳短訊，關心吓大家，知道佢係一個好好嘅男仔，希望佢畀到江ling幸福啦，我都希望佢哋走到最後，好開心祝福佢哋，我要佢哋請我食飯，要夾硬嚟。」
張紋嘉：「梗係好呀佢哋拍拖，佢哋我兩個都熟，大家有一齊玩，有去Oscar嗰度食嘢，好似一班friend，佢哋兩個一齊咗，所以絕對祝福，我好開心亦好surprise，因為早嗰兩日都有同江ling（Elanne）做嘢，但佢個口好密都冇提過。」她又望兩人可以幸福快樂，由朋友變成情侶特別難得，一定比一般的情侶更為了解。
張惠雅：「我事前唔知佢哋拍拖喎，依家佢哋承認咗，我要大叫：『愛啊！哈利』（潮語意思係好開心咁解）。」
|
鍾意就快D Share啦！
|
|
|
