識咗十年。十年來，一直當對方好似兄弟咁。足足3,650日。十年後，突然叮一聲，呢對「好兄弟」，突然變成戀人。28+1嘅江若琳，今年底就變29+1，即係「三張嘢」喇。正所謂三張嘢，總有啲故事，看淡了誓言 承諾來自廢墟……所以江若琳宣佈，佢嘅新戀情，對象就係識咗十年嘅生煎包王子——Oscar(蕭潤邦)，即係前音樂組合Bliss成員。模特兒出身嘅Oscar，樂隊解散後，喺旺角開正宗上海生煎皇，即食即煎，賣到街知巷聞，開完一間又一間，佢仲有個朵，就叫自己做「生煎皇」。夠猛。Oscar與江若琳，都係07年喺樂壇出道，同期新人，不時互相鼓勵friend到爆，但兩人一直未擦出火花，大家都為事業努力，即使Oscar離場，江若琳留低，佢哋都有保持聯絡，近日卻突然有feel撻着，由友人變成戀人！今午Oscar突然於fb貼咗張sweet sweet背影合照，相中未有披露女主角是誰，他寫道:「10年前，我認識了一個大眼妹，作為朋友的我們，在同一個領域上努力打拼，彼此鼓勵、彼此扶持，10年間，即使我投向了飲食業發展，她依然在遠方為我打氣、加油！
而我，亦以朋友的名義一直支持她！
在10年後的今天，我們再次遇上了，或許這就是對的時候，遇上對的人，我們會像過去一樣，給對方最大的支持，陪伴，珍惜，給對方最大的能量！
唯一的改變是，我們之間換了一個身份，我們一起了！
在未來的日子………
你既船係我，你既燈塔係我，連岸亦都會係我！」不足半小時，江若琳貼番同一張相，相隨認愛：
「對的，我找到了，
一個懂我、愛我的人，
在未來的日子裡，
一如10年來的不離不棄，
更多的是，
我們會帶著多一個人的支持、
多一個人的力量繼續努力，
不論事業，還是愛情。這些年來，大家陪伴我走過幾許風雨，
同時也給了我很多的支持與關愛，
答應過會報以大家一個最真誠的我，
亦不希望傳媒朋友經常要為我的一點小事奔走。
多謝大家呀！」恭喜晒！
|
鍾意就快D Share啦！
|
|
|
