周柏豪呢番說話，真係聽到全場都眼濕濕！
歌手周柏豪今晚起於紅館舉行一連三場演唱會，他罕有地大談與太太的經歷，他說：「大家都知我感情事比較低調，但大家有用心聽，或者係支持我好多年嘅fans會知我用音樂去紀錄同佢（周柏豪老婆）嘅經歷，呢首係三首其中一首，當時我寫畀佢做生日禮物，都係我同佢一周年嘅禮物。」並唱出《天光》。唱完後，他走到鋼琴前坐下，他繼續以「佢」來形容太太，他說：「我同佢喺我未入行已識，我哋一齊咗十幾年，佢將佢最黃金嘅青春奉獻畀一個未必寫包單嘅人，我係一個好麻煩嘅人，我知自己係麻煩友，喺人生搵到個完全體諒自己嘅人真係好難，但我搵到！」再自彈自唱《我的宣言》。
柏豪又透露當初對太太一見鍾情：「唔知佢係咪，嗰時我做緊model，我問佢做咩，佢又問我做咩，我話做model，佢話『我唔識你』。嗰時我又好瘦，佢畀咗個稱呼我叫『瘦奀茄』，瘦同茄我都識，『奀』字係不大，即係細，你就細！」又指以前乜都唔識，有段時間他曾經爛面：「我冇出街9個月，嗰時我好驚恐，淨係得佢做嘢，我就學彈琴學結他，我收入係零，所以就寫歌送畀佢！」他又指這十幾年過得很快，有時與太太到外國工作，會有第一次約會時的感覺，又指與太太價值觀很相似。之後柏豪重提與太太在外地結婚的時候，發現有狗仔隊在場，他眼濕濕說：「我哋唔知點算，籌備咗好耐，想低調，佢突然問我『個婚禮使唔使hold住？』，佢好偉大，可以為我做任何事！」再唱出寫給太太的婚禮歌曲《終於我們》。
來源 source: http://hk.on.cc
|
鍾意就快D Share啦！
|
|
|
