伍允龍都鍾意做運動喎，劉佩玥會唔會考慮先？
無綫藝人劉佩玥、劉穎鏇及馮盈盈等今午出席排球活動，與昔日中國女排名將孫玥及同場，場面熱鬧。
身形高挑的劉佩玥及劉穎鏇頓時給比下去，忽然變得「小鳥依人」，劉佩玥笑謂：「見到孫玥好開心，因為大家個名都有個『玥』字，我對佢有情意結。我爸爸以前都打排球嘅，我雖然冇乜運動細胞，但最終都打到入校隊，打過比賽有贏有輸！（有否展開過排球情緣？）我讀男女校，大家一齊練波感情好好，冇諗咁多嘢，不過我第一個男友都係運動健將，佢玩三項鐵人、排球同籃球等，我都會請教佢，嗰段日子係好難忘嘅青蔥歲月。（你係咪鍾意運動型多啲，好似識打功夫咁？）運動同功夫都唔關事，我係覺得運動比較正面、陽光啲。」
劉穎鏇讚《學》師姐肯教人
而身為港姐亞軍的劉穎鏇獲派去主持《學是學非》及《安樂窩》，工作量陸續遞增，當被讚廣東話有進步，她即開心不已。談到《學是學非》一眾師姐很嘈吵，她笑答：「效果嚟啫，我哋喺鏡頭前後都真係好開心，佢哋（師姐）好肯教我哋嘢，share experience！」
劉穎鏇擔心男友踢波受傷
身形高大的劉穎鏇拍照時更一展排球球技，且透露：「我都打咗2、3年，以前仲鍾意去沙灘打，好難郁動。今次見到孫玥佢哋好興奮，第一次見真人咋。（男友都打排球？）佢打美式足球，比較危險，好彩暫未受過傷。」
----------------------------------------------
東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/
如仍未更新東網App，請按此連結收睇360影片： https://goo.gl/8TleVR
來源 source: http://hk.on.cc
|
鍾意就快D Share啦！
|
|
|
