掃呢頁CODE去手機

2017年4月29日 星期六

抽陳美齡水!麥明詩Sell阿媽做教育局局長 __,麥明詩,陳美齡,

麥明詩話佢阿媽都好有資格做教育局局長喎。近日有傳藝人陳美齡將會出任教育局局長,佢本身係史丹福大學教育學博士,加上佢三個仔都成功考入美國史丹福大學,所以 ...


麥明詩話佢阿媽都好有資格做教育局局長喎。

近日有傳藝人陳美齡將會出任教育局局長,佢本身係史丹福大學教育學博士,加上佢三個仔都成功考入美國史丹福大學,所以旋即成為熱話。

而前港姐麥明詩(Louisa)今日喺社交網站就出咗個Post,佢就Cap咗段網民留言:「陳美齡有幾個仔入史丹福?咁不如唔爭在叫麥明詩阿媽嚟做......」Louisa回覆網友話:「麥爸爸呢?」唔通Louisa覺得爸爸都勝任局長一職?咁又係,其實麥爸爸來頭都唔細,係著名Band 1學校嘅副校長呀!最爆笑係有人搞爛Gag話可以搵埋第二個麥太:「唔爭在請埋麥兜呀媽啦,嗰個麥太上過大銀幕,好有知名度。」

跟住,Louisa再出Post力Sell麥媽媽,佢話自己媽咪真係一個唔錯嘅候選人,仲話:「佢雖然冇PhD,不過都有個外國大學嘅master of education,同埋有一本賣得唔太差嘅著作。」Louisa又話自己兩兄妹曾經喺本地同外國讀書,所以麥媽媽自然對本地同外地嘅教育制度都好熟悉,加上麥媽媽係職業治療師,可以話掌握唔同背景、能力嘅人嘅教育方法添!

另外,網民又力挺麥媽媽做咗局長再做埋特首,Louisa抵死回覆:「我阿媽做得㗎啦。咁我就可以做『第一香港小姐』喇~」最後佢又Sell埋爸爸,仲大讚麥爸爸有實戰經驗,強力推薦佢做副局長添!


來源 source: http://hk.on.cc
鍾意就快D Share啦!