人稱「佩華姐」的資深電影人陳佩華，今早傳出死訊，享年68歲。樂易玲今晚在尖沙咀出席《歡樂今宵》周年派對時，透露佩華姐在今晨7時安詳離逝，她說﹕「佩華姐返咗天家，其實佢已經預備好，詳細情形等佢家人公布，佢喺所有家人兒孫、最關心、緊張嘅藝人、最好嘅拍檔、同事呢段日子都有同佢見面探佢。佢身體唔好嘅時候都有出嚟飲茶，佢抱住好感恩嘅心，佢話自己經歷咗咁多年，都已經賺咗架啦，喺個幾月前已經安排好後事，佢走嘅療養院都係佢揀嘅，我見到佢嘅時候皮膚好靚，頭髮好靚，佢都準備好返天家，嗰陣大家都逐一同佢道別。」問到佩華姐患甚麼病？樂易玲說:「佢係癌症，後期都擴散咗去好多地方，我只可以話佢係一個好勇敢嘅人，仔女同孫仔孫女，弟兄姊妹同Deanie姐(葉德嫻)都喺佢身邊，當然大家都好唔捨得。當然佢自己都有預備到，同我哋講感恩。」樂易玲表示佩華姐在影視圈工作大半生，經常都面掛笑容，做事勤力，是一位好樂觀、正面的人，她說﹕「就算嗰樣嘢(癌病)幾難，喺佢面前都好容易解決到。身為佢嘅同事，都會向佢學習。佢喺tvb做咗5年幾，但係唔會有人唔識佢，係大名鼎鼎嘅佩華姐。好開心當年敢入嚟幫手，好多嘢都做到有聲有色。同佢一齊做嘢有太多難忘事，總之就算嗰件事有幾困難，佢都可以好容易解決。」
| 葉德嫻與佩華姐私交甚篤。(攝影﹕陳順禎) | | |
來源 source: http://s.nextmedia.com
|
鍾意就快D Share啦！
|
|
|
