陳庭欣難忍淚水。
藝員曾守明日前在廣州登台時猝死，同行的好友歐瑞偉、鄭家生接受節目《東張西望》訪問，講到曾守明猝死的經過，二人都忍不住哽咽，歐瑞偉說：「當時幫佢影緊相，明明唱緊歌但冇聲，下一刻已經係砰一聲，見到佢成個人攤喺度。」鄭家生指當時身在後台，亦聽到一聲巨響，他透露曾守明被扶下台的時已無脈搏，嘗試為他人工呼吸，以及嘗試喚醒曾守明但不果，二人坦言感到無助，歐瑞偉說：「大家幾十年朋友，估唔到佢就突然攤係你面前，自己咩都做唔到，好無助，只能做到幾多得幾多！」
而坐在主播台的陳庭欣，講到曾守明的死訊亦眼濕濕，剛與曾守明合作《平安谷之詭谷傳說》的她表示已沒機會再請對方食飯。而吳家樂表示與曾守明合作劇集《鐵馬戰車》，指對方是劇中的顧問，獲得不少指導，聽到他離開的消息感到相當沈重。曾守明太太接受《東張西望》訪問透露曾的遺體將於周三送返香港：「最近都冇聽到佢有唔舒服，完全冇先兆，亦冇捱夜同辛苦。（曾守明有遺願？）佢一直想個仔好好讀書，加入紀律部隊，而佢一直好熱愛演藝。」
來源 source: http://hk.on.cc
|
鍾意就快D Share啦！
|
|
|