曾鈺成為ViuTV主持新節目，就話要搵一班小學生或張堅庭出任教育局長，呢個係節目，唔係認真。但藝人(前藝人)做教育局局長，竟然不是夢。正在進行眾籌嘅網媒「眾新聞」今日就獨家爆咗一單令人意想不到嘅消息——候任行政長官林鄭月娥，有意邀請一位前藝人入局加入新班子，但呢個唔係當日拍片抱拳報恩嘅蕭芳芳，而係已經嫁咗去日本嘅陳美齡。「說一聲香港，香港，你永遠是尋夢鄉…香港香港，你那色調難忘…90後應該對陳美齡無甚印象，其實佢係70年代紅遍香港同日本嘅香港歌手陳美齡，已屆61歲嘅佢，陳美齡，86年同經理人金子力結婚，89年去美國留學，喺史丹福大學教育系修讀博士課程，去年出版著作《50個教育法 我把三個兒子送入了史丹福》，依家已經出到第11版，而呢本書，更引起林鄭關注。據「眾新聞」報道，陳美齡係林鄭其中一個有邀請並向北京推薦出任教育局長嘅人選，陳美齡回應時不便置評。可是問她可會考慮？她稱：「如果全部人希望，大家都希望，我喺任何崗位都願意。」又指希望帶一陣新風進入香港教育，「如果可以做到的事，比你自己重要，咁值得去搏命。」
來源 source: http://s.nextmedia.com
|
鍾意就快D Share啦！
|
|
|
