即係幾時發生？
性格開朗不時在節目中狂笑的黃心穎，外間可能只會覺得她是個大笑姑婆，但原來私底下的黃心穎卻是個完美主意者，與早前播出的劇集《與諜同謀》的工作狂人角色有點相似。黃心穎表示：「劇集出街後，啲人覺得角色好唔黃心穎，但其實係我其中一面，我都係一個工作狂、完美主意者，返到屋企其實都冇乜表情，呢個係私底下嘅我，每人都有好多面，只係啲人冇見過。」
最緊要合眼緣
在黃心穎讀書時代已經完美主意盡現，自少品學兼優的她說：「細個讀書，攞少半分都唔開心，我讀書係會好癲背晒成本書，一字不漏，咁就唔會錯，所以細個讀書大部份時間都係考第一，反而大過咗就冇咁緊張。」追求完美的黃心穎對另一半要求是否很高：「對自己就有要求，反而對另一半就冇乜要求，或者係要求我一定鍾意佢，有車有樓唔係條件，係要講鍾意同唔鍾意，要睇感覺、眼緣。」
唔得閒加深了解
黃心穎與馬國明這對緋聞情侶有約會了解過，但暫時未能發展成情侶：「因為冇時間去了解，唔急嘅，要發生就發生。」黃心穎亦坦白說對馬明有感覺，她說：「唔多唔少一定有，但要再相處下先，到搵到個Right Timing就會發生。」問到黃心穎若果遇到另一半有背叛行為，她會否斬釘截鐵了結感情？她說：「要睇有幾愛佢，好難就咁話接唔接受到，要認真考慮，因為遇到鍾意嘅人真係好難。」
來源 source: http://hk.on.cc
|
鍾意就快D Share啦！
|
|
|
