掃呢頁CODE去手機

2017年5月11日 星期四

遇上不懂撒嬌的女人 側田被點做阿四 [壹週刊 - 1418] __,側田,M1,

近年玩專一的側田,同長髮女友拍拖兩年,轉型做住家男,比女友任點唔嬲。娛樂偵訊遇上不懂撒嬌的女人 側田被點做阿四以往食女無數嘅側田,試過一拖二返私竇ha ...


近年玩專一的側田,同長髮女友拍拖兩年,轉型做住家男,比女友任點唔嬲。

娛樂偵訊

遇上不懂撒嬌的女人 側田被點做阿四

以往食女無數嘅側田,試過一拖二返私竇 happy被捉到正,戰績彪炳。近年側田一反常態轉玩專一,兩年前被長髮女友收服,至今仍未轉畫。

早前側田孖女友現身赤柱撐枱腳,「溝女王」轉型做住家男,側田俾女友點去放狗兼買雪糕,又心甘情願做阿四拎膠箱,仲挽埋手袋,任點唔嬲。

冇錢冇新女

北上發展冇運行,側田又回歸香港,以往水頭充足的他,月租六萬蚊貝沙灣豪宅,而家「降呢」搬到鴨脷洲唐樓。冇錢冇女溝,近年轉玩專一的側田,同長髮女友拍拖兩年,日前兩人拍拖湊狗去赤柱撐枱腳。

撐枱腳

晚上八點,二人先到商場內的「日本城」入貨,之後再拎住兩個膠箱走入一間露天西餐廳開餐。坐低後二人各自點了 set dinner,開了一支紅酒,然後各有各食,其間一個掛住玩狗,一個就埋頭篤電話,零交流。食食吓,女友一聲令下,側田放低電話,帶住狗仔去散步,行咗個圈,側田返去埋單,仲外賣了兩支紅酒拎走。

女友手指指一輪嘴,側田個樣勁無奈。

側田唔介意幫女友挽手袋。

女友要食雪糕,側田即刻跑入「 M記」買,仲要等女友食完,自己先執口水尾。

成餐飯二人幾乎零交流,各有各食。

食女友口水尾

未夠喉,女友要食雪糕,側田二話不說跑入麥記,外賣雪糕新地俾女友歎。之後二人再去銀行入數,其間女友將食剩杯雪糕,隨手遞俾側田,側田唔介意執手尾,仲食得津津有味。入完數,兩人準備截的士返歸,沿路行到離行離列,女友負責抱狗,拎住膠箱的側田尾隨。

等了十分鐘終於有的士,女友箭步衝上車,後面的側田一手拎膠箱,一手挽住女友手袋,似乎側田今次真係俾女友馴服得貼貼服服!

14年側田拖兩女返私竇尋歡被斷正。

近年冇乜工開的側田,返內地參加《蒙面唱將猜猜猜》同《歌手 2017》,獲網民讚好唱功,但可惜都對工作冇乜幫助。

撰文:娛樂組

攝影、攝錄:陳亦龍、楊紫


鍾意就快D Share啦!