人仔細細就識問呢啲問題～
藝人楊千嬅、陳逸寧及林兆霞到九龍塘宣傳電影《春嬌救志明》，走入影院與現場觀眾分享愛情話題，三人一到場即引來觀眾歡呼， 她們又與全場觀眾舉牌大叫戲中對白「Asxxole」，氣氛熱烈。
千嬅表示雖然電影已踏入第二周，但依然要勤力宣傳，提到港澳票房已收逾二千六百萬港元，暫時成為香港本年度最高票房的華語片，千嬅表示心情雀躍，感激觀眾支持，有信心打破上集紀錄，問會如何慶祝？千嬅笑言她們三人要到旺角麥花臣球場開show：「冇問題架！導演兩年前已經點佢兩個（陳逸寧及林兆霞）練呢首《傳說》，佢兩個連舞都排埋！（你會唔會着戲中套護士情趣服跳唱先？）嘩！我驚變咗鬼片！一開頭已經令人以為係鬼片架喇！完全係夢想破滅呀咁！」
問到兒子Torres有否睇《春》片，千嬅表示電影是IIB級，兒子未夠秤入場，但兒子有說過想睇：「佢話知道媽咪爹哋睇咗，話自己睇就曳吖嘛！我話唔係曳，係等大個先睇，佢又問點解（主角）係樂哥哥（余文樂）而唔係Daddy，佢好多嘢問，如果睇埋仲得了？依家好管住我㗎！我又要循循善誘話做戲係假嘅，佢又話假都可以搵Daddy啫！」至於陳逸寧表示嚴禁三歲兒子睇這套戲，因她在戲中有爆粗對白：「驚佢睇到我爆粗，啲觀眾仲嗌好，一陣佢（囝囝）以為係啱，返去同老師講呀！」
來源 source: http://hk.on.cc
|
鍾意就快D Share啦！
|
|
|
