掃呢頁CODE去手機

2017年5月11日 星期四

與男友分房瞓八年 不婚湯寶如:個仔維繫住我哋 [壹週刊 - 1418] __,湯寶如,M1,

性格硬朗倔強的湯記,對住個仔就軟化晒。「男人不忠咪走囉!但個仔幾曳都係由我個肚出嚟。」探熱針與男友分房瞓八年 不婚湯寶如:個仔維繫住我哋離開樂壇十一年 ...


性格硬朗倔強的湯記,對住個仔就軟化晒。「男人不忠咪走囉!但個仔幾曳都係由我個肚出嚟。」

探熱針

與男友分房瞓八年 不婚湯寶如:個仔維繫住我哋

離開樂壇十一年的湯寶如,近日主持大台節目《流行經典 50強》兼推出新歌,再活躍幕前,已為人母,焦點自然落在她一直低調的家庭生活。

45歲的她,與一起十四年的賽車手兼商人男友陳德民育有十歲兒子,仍堅持不婚,還與伴侶分房瞓八年之久。湯記坦言她的底線,比一般女人都 set得低。別人可能冇法接受的相處之道,反成他們幸福途徑。

兒子陳俊滔的出現,挽救曾經瀕臨分手的父母,湯寶如說:「個仔維繫住我哋。」

生活方式各異

與賽車手男友陳德民一起後,湯記配合對方,多年來過低調生活。

多年來與另一半分房瞓,連朋友都以為他們情變,湯記說:「佢哋話介紹男友俾我,根本我同另一半關係冇問題。」

分房瞓,是他們找到一個合意的獨特相處之道。「分房原因係我哋生活方式太唔同,佢兩父子生活好規律,十點熄燈瞓,朝早五點起身湊仔返學,我就係夜鬼,朋友夜晚十二點會打俾我,費事嘈醒佢,咪寧願分房瞓,咁一起身又見到大家,幾得意呀,然後佢問你今日做咩?返唔返嚟食飯,咁多年都係咁。個仔由一歲到九歲都同佢瞓,獨霸爸爸。」湯記說。

「奶奶」仲係叫伯母

難道需要空間,就不需要名分?「我唔鍾意結婚,好怕約嘅束縛,試過參加婚禮,聽到啲誓詞覺得好恐怖。」認為名分是沉重包袱,至今她仍稱呼伴侶做男友,他的媽媽,即阿仔的嫲嫲仍堅持叫伯母。她續說:「係呀,老人家起初都抗拒,後來都接受,仲成日話個仔做乜仲唔娶我,我話:『伯母,唔使嘞!』,哈哈!我同男友好自由,我哋好少打電話俾對方,我完全唔過問佢去邊。」

真係可以放心到咁?「我冇諗過佢有咩女人,變唔變心!信任好緊要,要變我都阻止唔到。」她說。

湯記說,若不是兒子出現成挽救,十一年前已跟男友分手。

兒子不愛唱歌愛運動,還愛整潔,試過給媽咪的字條是:「媽咪請執拾房間,很亂。兒子上。」湯記講完都忍唔住笑。

男友愛低調,故兒子家長日,湯記刻意避席配合,但她說:「受訪時難免提及我個仔,有時佢爸爸未必明白,但呢個無可避免。」

至今未遇到最愛

作為女人,可以達至這境界,原來如此。「你可以話我條底線 set得好低,確係好低,只要佢唔係帶個女人返屋企,影響到我個仔就得嘞。冇嘢緊要過我個仔嘅感受。」

底線低,倒不如說她對男女關係看得輕。「都係㗎,朋友夫妻也好,緣分嚟啫!至今我未遇到最愛,亦唔覺遺憾。喺我哋最危險時間,就有呢個 BB出現,因為佢(兒子)令我哋維繫十幾年感情。」

火辣時

有子萬事足的她,曾經火辣過。 02年接拍纖體廣告,罕有性感示眾。同年為黃凱芹任個唱嘉賓,有料上圍大解放。

主持《流行經典 50強》,令湯記成焦點,並計劃明年開個唱。

昔日寶記三小花,今日是稱職人母。

情人節攤牌

當日照超聲波,一幅胎兒的畫面,令貪玩的湯寶如甘願定下來,決定將今後的時間獻給他。哪管作好最壞打算,要做單親媽媽。

十一年前,湯記選擇在情人節,跟分手邊緣的陳德民攤牌,並將懷孕的消息告之對方,以他的態度決定去留。「同佢講,情人節有份大禮物,我有咗!佢當堂擘大個口得個窿,然後一句:『我唔結婚㗎!』我話:『我都唔會結婚,至於 BB,你唔要我都會要。』,點知佢話:『要,點會唔要!』我覺得個天注定我同佢一齊。」

學咗幾年水彩畫,其中仿照名畫畫的《俯身的女人》,湯寶如說是她內心寫照。「兩年前有啲迷惘,好想再出唱片但又怕人唔知點睇我,畫中女仔表達我心情。」

表達迷惘

放滿一屋的作品絕對見得人,還送給不少欣賞的朋友。

男友是超班爸爸

兒子陳俊滔,挽救他們的感情,更把性格自我的賽車手爸爸脫胎換骨。「湊佢返學、放學、煮飯、睇功課、親子運動,咁多年都係佢負責,佢對住個仔好似情人咁。」在湯記眼中,陳德民未必是滿分男友,但肯定是超班的好爸爸。

「佢唔單只做番男人對頭家嘅照顧(包括經濟),仲俾我繼續做自己鍾意嘅事,佢好好。」她與男友關係似 partner,合力做好父母角色,努力維繫這個家。

男友曾是賽車手,當年湯寶如都有落場鍊番轉。

梁漢文

入行第一個男朋友是梁漢文。 98年戀上成熟型的音樂監製譚國政,但感情只維持兩年,湯記說她至今未遇到最愛。

譚國政

撰文、攝影、攝錄:娛樂組


鍾意就快D Share啦!