網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年5月8日 星期一

黃宗澤坐250萬開工車 畀女圍滴汗 __,黃宗澤,

黃宗澤拍攝時Chok冧陳芷尤,但鏡頭後顧住抹汗未見交流。
黃宗澤坐250萬開工車畀女圍滴汗近年狂賺「人仔」的黃宗澤(Bosco)昨日凌晨在司機駕駛價值250多萬元名貴房車的接載下,到中環開工拍新劇,派頭十足! ...


黃宗澤坐250萬開工車 畀女圍滴汗

近年狂賺「人仔」的黃宗澤(Bosco)昨日凌晨在司機駕駛價值250多萬元名貴房車的接載下,到中環開工拍新劇,派頭十足!不過大熱天時加上現場大光燈照射,熱到發呆的他無論面對熱情粉絲包圍或32C低胸陳芷尤,一樣冇厘表情。

黃宗澤最近頻頻到內地拍劇搵真銀,加上投資有道兼在香港及馬來西亞經營飲食生意,身家不停暴漲。既然搵到錢,Bosco亦未有待薄自己,早年愛玩古董車享受駕駛樂趣的他,如今「升呢」坐房車,更有司機接載開工,出入都特別有霸氣!昨日凌晨1時許,Bosco乘坐由旗下公司登記,價值250多萬元、落地僅一年多的平治房車,由司機送抵中環拍攝新劇《溏心風暴3》。

歎住冷氣等埋位

Bosco抵達現場後,一直坐在房車內歎住冷氣讀劇本,等到工作人員安排好打燈,同場演對手戲的無綫小花陳芷尤亦坐上道具車,Bosco才下車現真身。登車後,他與陳芷尤拍攝一場車廂談情戲,稍為施展幾個靚仔Chok樣,立即冧得陳芷尤笑到見牙唔見眼。戲中飾演情聖的Bosco劇中女伴無數,床戲、咀戲應接不暇,一眾靚女演員黃翠如、鄭希怡、楊柳青、馮盈盈、劉穎鏇、張寶兒、劉溫馨及陳偉琪等均與他有感情戲。不過這晚沒見香艷場面,只得香汗場面!酷熱天氣下加上現場打晒燈,穿長袖恤衫加厚外套的Bosco在車廂內拍攝數個鏡頭後開始頻頻抹汗。

  • 放大圖片
黃宗澤買250萬元平治靚車當開工車,認真有米。
  • 黃宗澤買250萬元平治靚車當開工車,認真有米。
黃宗澤在房車歎住冷氣,等到最後才落車埋位。
  • 黃宗澤在房車歎住冷氣,等到最後才落車埋位。

望32C「尤」物零反應

熱到發呆的Bosco愈來愈少表情,面對穿低胸貼身短裙、大晒32C逼爆身材的陳芷尤亦未有多望一眼,拍完一個鏡頭便落車抖涼。拍攝途中,不少女粉絲聞風而至,每次趁偶像不用埋位便「打游擊」上前邀合照。雖然Bosco禮貌地來者不拒,但全程Cool到爆,沒有一點笑容之餘,雙手更是放在背後,與粉絲保持一定距離。拍攝完成後,他第一時間告別工作人員,然後登上自己的名貴房車,在司機接載下風馳電掣走人。

陳芷尤低胸上陣晒32C,黑夜中成亮點。
  • 陳芷尤低胸上陣晒32C,黑夜中成亮點。
熱到融的黃宗澤面對粉絲邀合照,依然冇厘神氣。
  • 熱到融的黃宗澤面對粉絲邀合照,依然冇厘神氣。
  • 放大圖片

文、攝:追蹤組


鍾意就快D Share啦!