戴蘊慧唔怕今次恐襲影響曼市樓價。（資料圖片）
英國曼徹斯特演唱會發生爆炸事件，東網對此聯絡到去年斥4,500萬港元在曼徹斯特購得多層豪宅的索媽戴蘊慧，育有兩子的她表示其二子正身在英國讀大學，更為他報平安謂：「他的地方是讀書城，除了學生之外，遊客十分少，不用擔心。」問到會否因為恐襲事件，可會要兒子現少去看多人的地方或禁止他去看演唱會？她謂：「其實他很少離開學校，放假便回港，所以我也不擔心。」
「唔係全副身家投入去」
談到去年英國曼徹斯特以4,500萬狂掃8個豪宅單位，變身大業主做「豪宅女王」，不過，在英國周一晚在曼徹斯特舉行的一個演唱會發生連環爆炸，釀成至少22死59傷，令人擔心當地治安外，亦恐怕當地樓市受到打擊。記者聯聯戴蘊慧可有擔心？戴蘊慧表示：「唔驚，其實我帳面已經賺咗十幾個巴仙，咁呢啲嘢好難講，唔會話一件事而影響到成個樓價，其實你投資咗就唔會驚咁多。（夠膽色？）投資唔會將所有嘅錢放喺一個投資地方上，意外或者估計唔到嘅嘢都要算喺入面，既然唔係全副身家投入去，咁你梗係有鬆動預咗佢點樣點樣局勢有咩變化嘅話，都唔會話驚會影響到自己入骨，蝕嘅咪放喺到，如果升嘅，睇下係咪心目中嘅價錢，啱嘅咪賣囉，冇話驚得咁多嘅。」
投資有道多人讚
當讚她有投資心得？戴蘊慧笑言：「好似之前英國脫歐，好多人好慌張，點樣點樣，啲人問我有冇驚？其實我真係冇擔心過，依家都消化咗成件事，反而英國依家嘅貿易冇咁多制肘，同中國有好多Planning，其他國家都仿英國脫盟呀，咁基本上投資者喺國家大事上要抱觀望態度，但就唔會咩船頭驚鬼，船尾驚賊咁。」
來源 source: http://hk.on.cc
|
鍾意就快D Share啦！
|
|
|