掃呢頁CODE去手機

2017年5月2日 星期二

趙頌茹頓悟生死:我死咗邊個照顧個女 __,趙頌茹,

阿Yu為咗兩個女慳得就慳。作為單親媽媽的藝人趙頌茹(Yu)年初於台灣遇上交通意外,驚魂未定的她即想到如果不幸去世,兩個囡囡由誰來照顧?故現時她更珍惜家 ...


阿Yu為咗兩個女慳得就慳。

作為單親媽媽的藝人趙頌茹(Yu)年初於台灣遇上交通意外,驚魂未定的她即想到如果不幸去世,兩個囡囡由誰來照顧?故現時她更珍惜家庭生活,為了兩個寶貝女生活得更好,她亦實行「慳得一蚊得一蚊」政策,逢特價日才大量購買紙巾,又於放工時間逛街市,務求格價格到最盡!

來回地獄又折返人間

初出道時的阿Yu外表帶點冷酷,但經歷過來回地獄又折返人間的歲月後,如今的阿Yu絕對是一個充滿正能量的好媽媽,她形容現階段是做回自己,並計劃推出自家品牌T-Shirt:「因為想有個訊息帶出,主題係『同行者』,無論點樣,我都會同你行落去,所以我特別誠邀寶貝細女做model仔,影佢張相印落件衫度,我係單身媽媽,當你失意時,有邊個會陪你行呢?就係我兩個女。」

生死一線間

除了開始接觸時裝界,阿Yu年頭時亦專程飛到台灣學唱歌,卻不幸於當地遇上交通意外,她猶有餘悸表示:「我走嗰日畀電單車撞,當時好驚行唔到,驚夜晚返唔到香港,但未諗生命嘅事。」目擊者亦有問她是否需要送院,但阿Yu一心想趕回港,又覺得只是皮外傷,於是拒絕,她說:「坐飛機時先諗,原來我差啲有機會會死,如果我行出啲,佢撞得應啲,我就會死!即刻醒咗,如果我聽日死,我有咩未做會後悔呢?兩個女邊個照顧呢?跟住我買咗人生第一份保險,邊個養兩個女呢?除咗我,我父母冇呢個責任。」

個女開始有自己圈子

極力保護兩個女,的確是阿Yu現時最想做的事,例如大女開始有自己圈子,她希望給予對方更多空間成長:「有一個星期六定日,我電話8點幾響,係搵我個大女,我話佢未起身喎,我第一次遇到,原來個女開始講電話,會有自己空間。」但始終是單親媽媽,經濟上可有壓力?阿Yu樂觀表示:「我會視之為正常推動力,我以前做女家庭好幸福,想要乜有乜,做媽咪先發覺要為佢哋積穀防飢,生活裏面諗點樣慳得一蚊得一蚊,我知道舖頭某一日做discount,一條紙巾12包價錢超平,我就會一次過買好多,亦會時間換金錢,街市臨收工最平,擺喺度成日,通常收工六、七點去買,慳幾蚊。」

活得比你好

阿Yu現階段亦希望盡快與前夫周永恒釐清關係:「最希望掉低個名份,盡快解決件事,不能控制佢做啲咩,我希望對方係好嘅,盡快完結件事,佢開始佢嘅戀愛、家庭,同樣我都係。」她坦言過去太沉溺於戀愛當中,剛分居兩年的她又指這段時間正是她的療傷期:「唔開心一定有,但係過程有好大得着,我哋好鍾意嗌交,其實人同人關係唔係指住對方嚟話佢,可唔可以搵一樣嘢去多謝呢?我希望自己係可以,真係要多謝對方,唔係呢啲經歷我係唔會成長。」

場地:Boom Art Gallery Bar


來源 source: http://hk.on.cc
鍾意就快D Share啦!