掃呢頁CODE去手機

2017年5月26日 星期五

鍾嘉欣興奮話囡囡識叫媽媽:我嗌咗出嚟 __,嘉欣,李嘉欣,鍾嘉欣,

鍾嘉欣快閃返港搵真銀。藝人鍾嘉欣及名模AnaR.到中環出席活動,身穿白色長裙的嘉欣明艷照人,講到女兒Kelly即一臉冧樣,她指Kelly已九個月大,每 ...


鍾嘉欣快閃返港搵真銀。

藝人鍾嘉欣及名模Ana R.到中環出席活動,身穿白色長裙的嘉欣明艷照人,講到女兒Kelly即一臉冧樣,她指Kelly已九個月大,每日都有大變化,最近更識得開口叫媽媽:「我好記得4月17日佢第一次叫媽媽,4月22日叫DaDa即係Daddy,最近就識講hi,我好鍾意同佢扮靚,有時會母女裝添!依家係最好玩嘅時間。(你第一次聽到佢叫媽媽心情點?)我嗌咗出嚟,但開頭有疑問,因為我會叫佢食mum mum,就叫mum mum,但原來唔係,佢真係嗌我!我行開時佢就會叫我!好嗲!(爸爸有冇呷醋?)冇嘅!我哋有傾過,開頭以為會嗌hi先,點知嗌媽媽先,冇所謂最緊要健康!」

唔介意同囡囡拍廣告

問到何時回歸香港演藝圈?她表示有陸續接Job,因自己很喜歡娛樂圈工作,昨日就為劇集《溏心風暴3》錄了一首英文歌插曲:「兩年冇錄歌,有啲唔慣,要啲時間適應。」問到遲些會否跟女兒合唱?嘉欣笑言已作了多首兒歌,將來有機會可放入廣告中,例如有首歌叫《媽咪朝早起身就望住我》,她笑說:「我每朝起身見到囡囡笑咔咔或者流口水,感覺好幸福,其實首歌係好普通兒歌,你哋都識作。(會唔會畀個女客串拍廣告?)睇下咩類型,我有同老公商量過,如果係好品牌,留個念都好,第日畀佢睇番,因為我拍片唔靚,搵專家影比較好。」

家姐生咗第二胎

另外,嘉欣最近將一張抱BB相放上網,表示做了Auntie,她表示是家姐的第二胎BB:「之前佢生第一胎我見證唔到BB出世,今次想留喺佢身邊,開頭以為都會錯過,但BB一個鐘就出到世,我趕得切搭飛機,好開心見證到!母子平安,係神嘅禮物,我唔想再錯過我屋企嘅緊要事,之前工作忙已經錯過好多。」

至於Ana R.帶同女兒Myar到場,活動期間Myar一度爆喊,但上台後變得相當乖巧沒有再喊,還為母親拎咪,非常可愛!


來源 source: http://hk.on.cc
鍾意就快D Share啦!