熱爆娛樂: 【相愛很難】拍拖斷正仲有得兜馬明心穎朋友止步？ _

2017年5月26日星期五

【相愛很難】拍拖斷正仲有得兜馬明心穎朋友止步？ __,馬明,黃心穎,心穎,馬國明,

張振朗同34D巨胸小花陳芷尤(Apple) 歐遊拍拖斷正，只係低調回覆話：「我哋玩得好開心。」冇承認冇否認，成功過骨。咁密實，無非都係想保護愛苗之餘，唔想阻礙事業發展。鄭俊弘　姜麗文

大家認識鄭俊弘，好有可能喺《星夢傳奇》聽過佢唱歌，先有啲印象。當時佢身邊原來一直有位好體貼嘅女友姜麗文，秘密拍拖6年，有工作機會仲會帶挈鄭俊弘。不過15年有報道話有人飛上枝頭唔認人，反面嗌分手，令姜麗文情緒崩潰。鄭俊弘喺呢次情傷後應該有咗教訓，早前被影到同何雁詩拖手拍拖，翌日就速速喺機場認愛，幾咁大方。羅天宇　湯洛雯

媽媽輩讀者如果喺街見到羅天宇，可能會忍唔住叫聲「子仁」，由佢12年拍《愛．回家》到o依家嘅《馬家開飯》，都搣唔甩呢個名，羅天宇喺《愛．回家》仲搵到佢「好好嘅朋友」湯洛雯。佢哋兩個戲假情真，試過被發現食酸辣粉撐枱腳、拍拖睇傢俬、甚至到山頂行街，都強調只係「好好嘅朋友」，立場非常堅定。馬國明　黃心穎

極少傳出緋聞嘅馬國明，今年初被指同黃心穎撻着，拍拖一年。空穴來風，未必無因，馬國明同黃心穎除咗被大台安排做螢幕情侶，兩人私下都有約會，除咗有報道指馬國明同黃心穎豪食日本菜，仲被人見過幾次打孖睇戲。當然啦，兩人例牌否認拍拖，黃心穎話兩人仲係朋友，但就話相處舒服，咁究竟係咪馬國明未開口追求，就要問番佢哋先知喇。

	馬國明同黃心穎唔只一次被斷正拍拖。
	做咗螢幕情侶，大把機會見面發展感情啦。	羅天宇同湯洛雯撐枱腳。
又孖住行街，但只係認好好朋友。		姜麗文同鄭俊弘拍拖6年，分手先話俾人知。