又估佢哋唔到喎。
音樂人郭偉亮（Eric Kwok）為ViuTV節目《晚吹-捲上你的床》擔任嘉賓，講到今集主題是「火爆情侶」，他一開始笑言今日只會講自己的衰嘢，不會講老婆葉佩雯（Grace）的衰嘢：「佢話我之前爆得佢太多，所以叫我唔好再講佢。（咁你有咩衰嘢？）橫蠻無理、望女仔。」
拍拖初期成日吵大鑊
問到兩人之間有甚麼火爆事件？Eric透露初初認識20歲的Grace時，她當時因工作很大壓力，故情緒很不穩定：「我哋住埋一齊嗰陣成日因為小事嗌交，佢成日掟嘢，試過掟遙控、杯、碟、電話，試過有次喺廚房佢攞起把菜刀想掟過嚟，我即刻攞個鑊頂住，但其實嗰陣係好㷫又好笑，我同佢講『你再咁我就將你成個人掟出街』，我好㷫所以就真係將佢成個人秤起搬去門口企十分鐘。」他謂此事發生在兩人初相識的幾個月內，之後經過自己三年的悉心教導及心理安慰，Grace已再沒事。
鬧交增進感情
問到當時可會很大壓力，因不知Grace何時會爆？Eric謂都是自己不好，成日激嬲她：「我又唔認錯，又唔氹佢。」他又笑言自己閃避得快，故從未被掟中，但則肉痛電話被掟。但問到可覺得吵架可以增進感情？他認為是，並謂與第一個女朋友相處太平淡而覺悶：「佢係一個好純情嘅女仔，從來唔嗌交，同佢拍咗拖十年，去到第七、八年嘅時候覺得有啲悶，感覺似哥哥妹妹咁，到後來識咗Grace就覺得好正，尤其是開頭住埋嗰兩年係成日嗌交，佢令我啲脾氣可以爆到出嚟，大家互片、鬥嘴，鬧交時就可以清楚知道一個人嘅另外一面。」
來源 source: http://hk.on.cc
|
鍾意就快D Share啦！
|
|
|