楊明（右）險勝袁偉豪1吋咋！
藝人袁偉豪（Ben）和楊明在中環出席無綫《打工捱世界II》記者會，曾在拍攝期間擔任健身教練的兩人不但即場大玩健身器材騷老鼠仔，楊明更被Ben抱起玩引體上升，而他們亦有用軟尺度胸肌，結果楊明以41吋稍勝Ben一吋。
難忘坦桑尼亞執屎
先後走訪意大利威尼斯和坦桑尼亞的他們就指今次比起上次去印度舒服。雖然楊明笑指在威尼斯做「渠王」時沒有試過通屎渠，但到坦桑尼亞時卻試過執屎，問是否徒手執，他謂：「徒手就番唔到嚟，會有傳染病，瘋牛症！（咩屎？）牛屎，我哋去馬塞族度，佢哋用牛屎嚟造牆！」走進屎堆的他更指當時臭到反胃，Ben聞此即踩多兩腳：「仲暖㗎！」非常搞笑。
被非洲教練一手抱起
提到他們在非洲做健身教練時抱住肥佬，他們指當時有除衫，Ben更指被當地的大隻教練一手抱起：「佢石頭人咁，人形雕塑嚟！」而楊明就指坦桑尼亞落後，但比起印度乾淨得多，又笑指見野生動物多過見人。
來源 source: http://hk.on.cc
|
鍾意就快D Share啦！
|
|
|
