蔡一傑話哥哥蔡一智是整親尾龍骨，同埋肋骨移咗位。
林敏驄（阿驄）在紅館舉行尾場作品展演唱會，蔡一傑（傑仔）出場唱《愛的根源》，亦有行上圓形升降台的台邊，唱完後他就與阿驄攬攬，之後阿驄扮喊，問蔡一智依家點樣，傑仔謂：「佢整親尾龍骨，同埋肋骨移咗位。」阿驄謂唔好意思，傑仔都謂好抱歉，原本有一part係草蜢，但依家表演唔到，同大家講對唔住，阿驄繼續扮喊謂對唔住：「好多人嚟撐我。」傑仔就扮安慰佢，伸手掃佢背謂意外嘅嘢好難講，阿驄謂好心痛：「所有人嚟撐我，好似鄭伊健、古巨基個個排晒舞，出事後要自己一個唱，我真係過意唔去。」傑仔謂唔好咁，叫大家歡呼鼓勵佢，然後又不忘宣傳草蜢11月的紅館個唱：「草蜢今晚表演唔到好遺憾，但唔緊要，11月草蜢喺紅館演唱會，到時補番畀大家聽。」
安慰番阿驄
到了晚上10點10分，一連兩晚有做嘉賓的蔡一傑離開紅館接受訪問時，表示今日演唱會順利好多，自己都唱得OK，而心情都平復了。問到是否擔心哥哥蔡一智傷勢，他直言每個人都擔心，因為還有兩個Dancers要留院。問到林敏聰心情如何，傑仔說：「佢覺得好唔好意思，名嘅，主人家搞個Show有意外發生同埋都混亂，都會唔開心。我明白問題發生左，佢又要顧住個Show又要顧住啲Artist，知道佢都唔想。（佢頭先喊？ ）我都嚇一跳，都有安慰佢叫佢唔好咁。」
中西合璧治療
至於問到哥哥蔡一智情況如何，傑仔說：「尾龍骨裂咗，肋骨有少少移位，依家都中西合璧治療緊，唔係太大問題。（嚟緊工作有冇影響？ ）我哋七月要去新加坡做Show ，呢排盡量唔搞佢。工作冇延誤，會如常進行。（跳舞部份會減少？）睇吓到時情況，佢跳唔到我哋都調唔到㗎嘛。（佢心情點？ ）OK啊，擔心啲Dancer多啲。」
來源 source: http://hk.on.cc
|
鍾意就快D Share啦！
|
|
|