由已故粵劇名伶新馬師曾（鄧永祥）當年創立的「楚留香」酒家，當年洪金梅（祥嫂）跟祥哥子女曾就「楚留香」業權爆出爭產糾紛，有消息指舖王鄧成波家族以超過3億元買入「楚留香」酒樓舊址，鄧成波兒子、Stan Group主席鄧耀昇確認以約3.18億元購入筲箕灣中心部分地舖連一樓全層舖位，將用作出租用途。
據了解，上述舖位為著名酒樓「楚留香酒樓」舊址，地下面積約2,000呎，一樓面積約22,638呎，現由酒樓以每月58.5萬元承租，租約期至明年3月。據土地及公司註冊處資料，上述舖位原業主為ACEGROWTH DEVELOPMENT LIMITED，其公司董事包括祥哥的子女鄧翠玉及鄧兆榮。而該舖位於1987年由原業主以2,000萬元購入，若以最新成交價計算，30年間升值約14.9倍。不過，鄧兆榮卻在電話中否認：「冇咁嘅事，唔知點解有咁嘅傳言，唔好意思，唔該晒。」記者致電鄧兆尊問到此事，他說：「唔知，好似係傾緊。（價錢多少？）詳情問番兆榮，佢清楚啲。」祥嫂對於「楚留香」被賣則說：「冇聽過。（可唔可惜？）梗係。（有冇嬲？）咁又冇。（你仲有冇股分？）冇啦，喺晒佢哋度。」隨即匆匆收線。
Fiona三千萬購豪宅
此外，薛凱琪（Fiona）今年五月沽出居住多年的九龍塘帝景峰一個相連戶，持貨九年的Fiona，帳面獲利逾一千萬，當時Fiona坦言想轉換環境故決定賣樓，她承認賺了少少。來自地產界消息，Fiona近日以逾三千多萬買入何文田豪宅，據土地註冊處顯示，何文田天鑄第1期7座高層某單位以3,630萬元成交，買家為薛凱琪（SIT FIONA HOI KI），該單位實用面積約1,066方呎，實用呎價約3.4萬元。Fiona在電話中承認：「係呀，我買嚟自住，唔係炒，開心買到喜歡嘅家，因為單位係全新、環境又靚，私人事唔講咁多喇，多謝大家戥我高興。」
而伍詠薇應朋友邀請出席一個物業項目活動，對樓巿高企，她戥市民追上樓似「追巴士」般辛苦，又坦言在海外持有物業，但拒透露位置。
|
鍾意就快D Share啦！
|
|
|