查看相片
平日多數穿一件頭泳衣的張寶兒，承諾以後會多着比堅尼。
【東方日報專訊】港姐張寶兒在前晚播出的節目中，以火辣比堅尼騷Body，更「烏身寫字」令螢幕前的觀眾大噴鼻血！她昨日出席活動，預告會再以三點式示人，同大家迎接熱辣辣Summer！
藝人袁偉豪和楊明在無綫熱播節目《打工捱世界Ⅱ》大晒型男魅力，不過他們在前晚播出的一集便相對失色，因所有焦點都集中在嘉賓張寶兒（Bowie）身上。
多謝觀眾支持
隨大隊遠赴坦桑尼亞的Bowie，與袁偉豪和楊明齊齊玩水上活動，期間更被兩位大男孩夾手夾腳推落海。之後，Bowie脫下白色外衣，以火紅色比堅尼上陣，又大擺甫士騷長腿，搞到觀眾吞晒口水。放天燈時，她更以一招「烏身寫願望」騷豐滿上圍，Big爆螢光幕。
Bowie昨日出席活動，提到不少觀眾睇其火辣三點式睇到嘩嘩聲，她即多謝大家支持，更稱平時很少着三點式：「我着One Piece o架咋。（着多啲比堅尼）好，夏天都嚟。」
莊思明撐楊明有才華
另外，楊明女友莊思明（Lisa）、黃美棋及男友鍾健威昨日到赤柱出席宣揚保育海豚活動。對於楊明拍攝《打工捱世界Ⅱ》被網友批評英文差，Lisa說：「我諗佢同袁偉豪係為咗節目效果而咁講，如果想搵個英文好嘅人，可以搵個博士做，做藝人最重要係有才華。（心痛男友被人話？）自己做藝人都知道，依家嘅網友係好嚴格。」
文：影視組
來源 source: http://hk.celebrity.yahoo.com
|
鍾意就快D Share啦！
|
|
|