25分鐘穩袋6位數酬勞！
歌手吳若希（Jinny）產後首度出席活動，吸引過百歌迷撐場，專程由澳門返港的Jinny以入膊連身短裙襯五吋高踭鞋示人，成功做運動加打拳踢走20磅的她Fit爆亮相，現身25分鐘穩袋6位數酬勞！
讚男友識湊B
受訪時，Jinny承認產後有努力做運動收身，她說：「坐完月之後開始做運動同打拳，已經減咗20磅，想減多5磅。」由於餵母乳的關係，Jinny日前大方透露早前升了兩Cup，但現時又降回一Cup。問到今日為何包到冚示人？她抵死地說：「留畀個女，依家早上餵人奶，晚上餵奶粉。」隨即大讚男友Alex懂換片及為囡囡沖涼。
不捨愛女遲出門
母愛氾濫的Jinny早上出門口因不捨得囡囡淼淼，結果錯過一班澳門船返港，她又大讚陪月姐姐是全世界最好的陪月員，Jinny說：「真係好幫到手。」她坦言正式復出：「基本上假期已經完，老闆（何哲圖）日前打畀我， 話準備咗啲歌畀我，我隨時可以錄音。」久未演唱的Jinny直認膽怯：「 好耐冇唱歌，要去練歌先，頭先嚟活動都好緊張。」
想生夠四個
對於被指遭歌手菊梓喬搶去「星夢一姐」的位置，Jinny說：「我本身好鍾意佢，從來都唔係一姐，我係阿妹。」她直認今次活動酬勞有6位數。問到會否再生B？Jinny說：「會，想生四個，一個女、一個仔，之後孖女。（孖胎好似要有遺傳？）咁咪去泰國種囉！聽朋友講當地有得揀性別。」之前在網上與網民駁火的Jinny承認EQ低：「其實一直唔想BB曝光，未來奶奶唔想BB曝光，一家人有共識。我啲朋友一早知道，係美麗嘅無心之失。（有冇鬧男友？）點都有話，喺公眾面前點都有番少少威風。」
來源 source: http://hk.on.cc
|
鍾意就快D Share啦！
|
|
|